18 વર્ષીય યુવતી લાપત્તા

જામનગર શહેરના આંબેડકરનગર વિસ્તારમાં રહેતી યુવતી તેણીના ઘરેથી જાણ કર્યા વગર જતી રહેતાં લાપત્તા થયેલી યુવતી અંગે પોલીસ દ્વારા શોધખોળ હાથ ધરવામાં આવી છે.

આ અંગેની વિગત મુજબ જામનગર શહેરમાં બાઇની વાડી, આંબેડકરનગર વિસ્તારમાં રહેતા અને મજૂરીકામ કરતાં હરિશભાઇ ધ્રુવની દીકરી કિરણબેન (ઉ.વ.18) નામની યુવતી ગત્ તા. 20ના રોજ સવારના સમયે તેના ઘરેથી ગુલાબી કલરનો ફૂલવાળો ડ્રેસ અને મરૂન કલરની લેંગીસ પહેરેલી યુવતી તેના ઘરેથી કોઇને જાણ કર્યા વગર જતી રહી હતી. ત્યારબાદ યુવતીના પરિવારજનો દ્વારા મિત્રવર્તુળ અને સગાંસંબંધીઓમાં શોધખોળ હાથ ધરવામાં આવી હતી. તેમ છતાં યુવતીનો કોઇ પત્તો લાગ્યો ન હતો. ત્યારબાદ યુવતીના ભાઇ દ્વારા સિટી ‘એ’ ડિવિઝન પોલીસ સ્ટેશનમાં જાણ કરવામાં આવી હતી. જેના આધારે યુવતીની શોધખોળ માટે ચક્રો ગતિમાન કર્યા હતા.