જામનગરના ઢીચડા ગામમાં રહેતાં શખ્સના મકાનમાં દારૂનો જથ્થો હોવાની બાતમીના આધારે એલસીબીની ટીમે રેઈડ દરમિયાન આઠ બોટલ દારૂ અને 37 નંગ દારૂના પાઉચ તથા મોબાઇલ સાથે શખ્સને ઝડપી લીધો હતો. જામનગરમાં સરલાબેન આવાસ સામેના રોડ પરથી બાઈક પર પસાર થતા શખ્સની તલાસી લેતા દારૂની બે બોટલ મળી આવતા પોલીસે બે શખ્સો વિરૂધ્ધ ગુનો નોંધી તપાસ આરંભી હતી.
દરોડાની વિગત મુજબ, પ્રથમ દરોડો જામનગર શહેરમાં ઢીચડા ગામમાં પ્રાથમિક શાળાની બાજુમાં રહેતા આશિફ આમદ સોઢા નામના શખ્સના મકાનમાં દારૂનો જથ્થો હોવાની એલસીબીના દિલીપભાઈ તલાવડિયા, કાસમભાઈ બ્લોચ, મયુરસિંહ પરમારને મળેલી બાતમીના આધારે પીઆઈ વી.એમ. લગારીયા તથા ટીમે રેઈડ દરમિયાન મકાનની તલાસી લેતા તેમાંથી રૂા.3200 ની કિંમતની ઈંગ્લીશ દારૂની 8 બોટલ અને રૂા.3700 ની કિંમતના 37 નંગ ઈંગ્લીશ દારૂના પાઉચ મળી આવતા એલસીબીએ રૂા.2000 ની કિંમતનો મોબાઇલ ફોન અને દારૂના જથ્થા સાથે આશિફ આમદ સોઢા નામના શખ્સની ધરપકડ કરી હતી. તેમજ પૂછપરછ હાથ ધરતા આ દારૂનો જથ્થો રાજસ્થાનના અજમેરથી લઇ આવ્યો હોવાનું ખૂલ્યુ હતું.
બીજો દરોડો, જામનગરમાં સરલાબેન આવાસ સામેના રોડ પરથી પસાર થતા જીજે-10-ડીએસ-4956 નંબરના બાઈકને આંતરીને નરેન્દ્ર ભગવાનજી દામા નામના શખ્સની તલાસી લેતા તેની પાસેથી રૂા.800 ની કિંમતની દારૂની બે બોટલો મળી આવતા પોલીસે રૂા.50000 નું બાઈક અને દારૂના જથ્થા સાથે ઝડપી લઇ પૂછપરછ હાથધ રતા દારૂનો જથ્થો દશરથસિંહ વનરાજસિંહ જાડેજા પાસેથી ખરીદ્યાની કેફિયત આપતા બે શખ્સો સામે ગુનો નોંધી તપાસ આરંભી હતી.
