જામનગર શહેરના ટાઉનહોલ પાસેથી પસાર થતા શખ્સને સીટી બી ડીવીઝન પોલીસે આંતરીને તલાસી લેતા તેના કબ્જામાંથી 18 બોટલ દારૂ મળી આવતા ધરપકડ કરી હતી. જામનગરના અયોધ્યાનગરમાં રહેતાં શખ્સના મકાનમાંથી પોલીસે આઠ બોટલ દારૂ સાથે શખ્સને ઝડપી લઇ આગળની તપાસ હાથ ધરી હતી.
દરોડાની વિગત મુજબ, જામનગર શહેરમાં ટાઉનહોલ પાસેથી પસાર થતા જયેન્દ્રસિંહ જુવાનસિંહ જાડેજા નામના શખ્સને સીટી બી ડીવીઝન પોલીસ સ્ટાફે આંતરીને તલાસી લેતા તેના કબ્જામાંથી રૂા.9000 ની કિંમતની ઈંગ્લીશ દારૂની 18 બોટલ મળી આવતા પોલીસે દારૂ કબ્જે કરી ગુનો નોંધી આગળની કાર્યવાહી હાથ ધરી હતી. બીજો દરોડો, જામનગર શહેરના ગોકુલનગર વિસ્તારમાં આવેલા અયોધ્યાનગર શેરી નં.1 માં રહેતા જીજ્ઞેશ ઉર્ફે જગો માલદે આંબલીયાના મકાનમાં દારૂનો જથ્થો હોવાની બાતમીના આધારે સીટી સી ડીવીઝન પોલીસ સ્ટાફે રેઈડ દરમિયાન તલાસી લેતા મકાનમાંથી રૂા.4000 ની કિંમતની ઈંગ્લીશ દારૂની આઠ બોટલો મળી આવતા પોલીસે જીજ્ઞેશની પૂછપરછ હાથ ધરતા દારૂનો જથ્થો નાઘેડીના જયદીપ લઘાડિયાએ સપ્લાય કર્યો હોવાની કેફીયત આપતા પોલીસે બે શખ્સો વિરૂધ્ધ ગુનો નોંધી તપાસ આરંભી હતી.
