જયારે તમે એક અથવા બે ટેબ્લેટ લેવા માટે મેડિકલ સ્ટોર પર જાઓ છો, ત્યારે તમે ઘણી વાર આખી સ્ટ્રીપ ખરીદો છો. આવનારા સમયમાં તમને તેનાથી રાહત મળી શકે છે. કેન્દ્ર સરકારની ગ્રાહક બાબતો મંત્રાલય એક યોજના પર કામ કરી રહ્યું છે. આ મુજબ, છિદ્રો સાથે દવાની પટ્ટી તૈયાર કરવામાં આવશે. તેના દરેક ભાગ પર ઉત્પાદન અને સમાપ્તિની તારીખ લખવામાં આવશે. આ તમને જરૂર હોય તેટલી ગોળીઓ આપશે. બીજો વિકલ્પ પણ શોધાય રહ્યો છે. દવાની પટ્ટીઓ પર કયુઆર કોડ પ્રિન્ટ કરવામાં આવશે. સૂત્રોએ જણાવ્યું હતું કે ગ્રાહક બાબતોના મંત્રાલય દ્વારા સંચાલિત નેશનલ ક્ધઝ્યુમર હેલ્પલાઇનમાં સમગ્ર પટ્ટી ખરીદવાનો આગ્રહ રાખવાની ફરિયાદોમાં વધારો જોવા મળ્યો છે. આ પછી કંપનીઓ સાથે વાતચીત શરૂ કરવામાં આવી હતી. આગામી સમયમાં તેને આખરી ઓપ મળી શકે છે. મંત્રાલયે તાજેતરમાં ફાર્મા ઉદ્યોગના નેતાઓ સાથે આ બાબતે ચર્ચા કરી હતી. આ બેઠકમાં ડ્રગ કંટ્રોલર જનરલ ઓફ ઈન્ડિયાના ટોચના અધિકારીઓએ પણ ભાગ લીધો હતો. અધિકારીઓએ જણાવ્યું હતું કે આ મુદ્દા પર ચર્ચા કરવામાં આવી હતી અને મંત્રાલયે સૂચન કર્યું હતું કે દવાઓના પેકેજિંગ માટે નવી તકનીકોની શોધ કરવી જોઈએ. અધિકારીઓએ જણાવ્યું હતું કે બળજબરીથી દવાની આખી સ્ટ્રીપ ખરીદવાથી બગાડ થાય છે. ગ્રાહકો પર બિનજરૂરી આર્થિક બોજ પણ પડે છે. તેમણે કહ્યું, અમે સ્ટ્રીપને કાપવા અને દરેક સ્ટ્રીપ પર ઉત્પાદન અને સમાપ્તિની તારીખ છાપવા માટે છિદ્રીકરણ તકનીકનો ઉપયોગ કરવાનું સૂચન કરીએ છીએ.
