કાલાવડ તાલુકાના મોટા વડાળા ગામમાં લીમડાના ઝાડના નીચે તીનપતિનો જૂગાર રમતા પાંચ શખ્સોને રૂા.5,520 ની રોકડ અને ગંજીપના સાથે ઝડપી લઇ આગળની કાર્યવાહી હાથ ધરી હતી. જામનગરના ગુલાબનગર વિસ્તારમાંથી જૂગાર રમતા ત્રણ શખ્સોને રૂા.1950 ની રોકડ રકમ સાથે ઝડપી લીધા હતાં. જામનગરના ગોકુલનગરમાં શિવનગર વિસ્તારમાં તીનપતિ રમતા ત્રણ શખ્સોને રૂા.1590 ની રોકડ રકમ અને ગંજીપના સાથે ઝડપી લઇ પોલીસે આગળની કાર્યવાહી હાથ ધરી હતી.
જૂગાર દરોડાની વિગત મુજબ પ્રથમ દરોડો કાલાવડ તાલુકાના મોટા વડાળા ગામમાં લીમડાના ઝાડ નીચે જાહેરમાં તીનપતિનો જૂગાર રમાતા સ્થળે કાલાવડ ગ્રામ્ય પોલીસે રેઇડ દરમિયાન અશોક વસંતદાસ ગોંડલિયા, સોયબ વલીમામદ મોગલ, ભીખા લાખા ડાંગરીયા, આરીફ અકબર કાજી, દેવજી કેશા પરમાર સહિતના પાંચ શખ્સોએ રૂા.5520 ની રોકડ રકમ અને ગંજીપના સાથે ઝડપી લઇ આગળની કાર્યવાહી હાથ ધરી હતી.
બીજો દરોડો, જામનગર શહેરના ગુલાબનગર પાસેના વાંજાવાસમાંથી તીનપતિનો જૂગાર રમતા પ્રતાપ વિક્રમ મકવાણા, યુનુસ મામદ ખેરાણી, આરીફ નુરા સંઘાર નામના ત્રણ શખ્સોને સિટી બી ડીવીઝન પોલીસે સ્ટાફે રૂા.1950 ની રોકડ રકમ અને ગંજીપના સાથે ઝડપી લઇ ગુનો નોંધી વધુ તપાસ હાથ ધરી હતી. ત્રીજો દરોડો, જામનગર શહેરના ગોકુલનગરમાં આવેલા શિવનગર વિસ્તારમાં સ્ટ્રીટલાઈટના અંજવાળે તીનપતિનો જૂગાર રમતા જેન્તી હીરા લીંબડીયા, મહિપતસિંહ પ્રભાતસિંહ રાઠોડ, અરવિંદ કરણા ચાવડા નામના ત્રણ શખ્સોને સિટી સી ડીવીઝન પોલીસ સ્ટાફે રેઈડ દરમિયાન રૂા.1590 ની રોકડ રકમ અને ગંજીપના કબ્જે કરી પૂછપરછ હાથ ધરતા અશોક મારખી લગારીયા નામનો શખ્સ નાશી ગયો હોવાથી પોલીસે ચાર શખ્સો વિરૂધ્ધ ગુનો નોંધી કાર્યવાહી હાથ ધરી હતી.
