કોરોના મહામારી ફેલાયા બાદ બોલિવૂડ અભિનેતા સોનુ સુદ પ્રવાસી લોકો માટે મસિહા બનીને સામે આવ્યા હતા. લોકડાઉન દરમિયાન અભિનેતા સોનુ સુદએ મજૂરો અને ગરીબોની ખુબ મદદ કરી હતી અને તેમને વતન પહોંચાડ્યા હતા. તેણે લોકડાઉન દરમિયાન ટ્રેન તથા બસ સહિતના માધ્યમોથી લોકોને તેમના ઘરે પહોંચાડવા મદદ કરી હતી.તેના આ મહાન સેવા કાર્યની ઠેર-ઠેર પ્રશંસા થઇ હતી. ત્યારે આ સેવાકાર્યને સ્પાઇસ જેટ એરલાઇન્સ દ્વારા અલગ અંદાજમાં સલામી આપવામાં આવી છે. સ્પાઇસ જેટના બોઇંગ 737 ઉપર સોનુ સુદની વિશાળ તસ્વીર લગાવવામાં આવી છે. અને તસ્વીરની સાથે સ્પાઇસ જેટએ લખ્યું છે કે, ‘A SALUTE TO THE SAVIOUR SONU SOOD’ જેનો અર્થ છે કે મસિહા સોનુ સુદને સલામ.
આ ફોટાને ટવિટર પર શેર કરતા સોનુ સુદએ લખ્યું છે કે, આ તસ્વીરને જોયા બાદ મને મોગાથી મુંબઇની યાત્રાની યાદ આવી ગઇ. આજે મારા માતા-પિતાની યાદ આવી ગઇ. તમારા તમામના પ્રેમ બદલ આભાર.
અભિનેતા સોનુ સુદનું આ ટિવટ સોશિયલ મીડિયા ઉપર ખુબ જ વાયરલ થયું છે. અને લોકો કમેન્ટ કરી તેની પ્રશંસા કરી રહ્યા છે.
