Monday, February 10, 2025
Homeરાજ્યજામનગરજામનગરમાં સૂર્યકિરણ એરોબેટિક ટીમનો અદભૂત એર શો યોજાશે

જામનગરમાં સૂર્યકિરણ એરોબેટિક ટીમનો અદભૂત એર શો યોજાશે

- Advertisement -

- Advertisement -

સમૃદ્ધ વારસો, વાઇબ્રન્ટ બાંધણી અને ભારતના ઓઇલ રિફાઇનરી હબ તરકે જાણીતું ગુજરાનું રત્ન એવું જામનગર આકાશમાં આકર્ષક ભવ્યતાનું સાક્ષી બનવા માટે તૈયાર છે. પ્રજાસત્તાક પર્વની ઉજવણી નિમિતે જામનગરમાં આગામી તા.25 અને તા.26મી જાન્યુઆરી બે દિવસ દરમિયાન બપોરે 2:15 કલાકથી ઇન્ડીયન એરફોર્સની પ્રખ્યાત સૂર્યકિરણ એરોબેટીક ટીમ દ્વારા એર શો નું ભવ્ય પ્રદર્શન ખંભાળીયા હાઈવે, સ્વામીનારાયણ મંદિરથી આગળના ગ્રાઉન્ડમાં યોજવામાં આવશે. જે દર્શકોને આશ્ચર્યમાં મૂકી દેશે.

સૂર્યકિરણ એરોબેટિ ટીમ, “ભારતીય વાયુસેનાના રાજદૂત” તરીકે તેમજ તેની ચોકસાઈ, કૌશલ્ય અને ટીમ વર્ક માટે જાણીતી છે. આ ચુનંદા ટીમ, સ્ટ્રાઇકિંગ રેડ એન્ડ વ્હાઇટ હોક MK-132 જેટ ઉડાડશે. આ એર શો દરમિયાન આ સાહસિકો લૂપ્સ, રોલ્સ, હેડ-ઓન ક્રોસ, બઝ અને ઇન્વર્ટેડ ફ્લાઇંગ જેવા શ્વાસ થંભાવી દેનારા એરોબેટિક દાવપેચનું પ્રદર્શન કરશે જેથી દર્શકો માટે તે યાદગાર બની રહેશે. તેઓ લોકપ્રિય DNA દાવપેચ પણ રજૂ કરશે જેમાં વિમાો સાથે મળીને આકાશમં DNAના માળખા જેવા હેલિક્સની રચના બનાવશે.

- Advertisement -

1996માં SKAT ટીમની સ્થાપના કરવામાં આવી હતી. આ ટીમ એશિયામાં એકમાત્ર નવ વિમાનોની એરોબેટિક ટીમ હોવાનું પ્રતિષ્ઠિત બિરૂદ ધરાવે છે અને તે વિશ્વની અમુક શ્રેષ્ઠ ટીમોમાંથી એક ગણવામાં આવે છે. આ ટીમે ભારતમાં ઉપરાંત ચીન, શ્રીલંકા, મ્યાનમાર, થાઇલેન્ડ, સિંગાપોર અને UAE જેવા દશોમાં 700 કરતાં વધુ પ્દર્શનો કર્યાં છે. સૂર્યકિરણ ટીમમાં 9 હોક MK132 વિમાનો સામેલ કરવામાં આવ્યા છે, જે ભારતમાં ઉત્પાદિત અને લાઇસન્સ પ્રાપ્ત છે અને 5 મીટર કરતાં ઓછા અંતરે ખૂબ જ નજીકથી ઉડાન ભરી શકે છે. ટીમમાં 14 પાયલોટ છે. ટીમ લીડર Su-30 MKI પાયલોટ ગ્રુપ કેપ્ટન અજય દાશરથી છે. ડેપ્યુટી લીડર ગ્રુપ કેપ્ટન સિદ્ધેશ કાર્તિક છે. અન્ય પાઈલટોમાં સ્ક્વોડ્રન લીડરો જેમાં જસદીપ સિંહ, હિમખુશ ચંદેલ, અંકિત વશિષ્ઠ, વિષ્ણુ, દિવાકર શર્મા, ગૌરવ ટેલ, એડવર્ડ પ્રિન્સ, કોમન ડબલ્યુ રાજેશ, લીડર ડબલ્યુ રાજેશ, કમાન્ડર અર્જુન પટેલ, વિંગ કમાન્ડર કુલદીપ હુડ્ડા અને વિંગ કમાન્ડર એલન જ્યોર્જનો સમાવેશ થાય છે.

તેમની ટેકનિકલ ટીમનું નેતૃત્વ વિંગ કમાન્ડર અભિમન્યુ ત્યાગી, સ્ક્વોડ્રન લીડર સંદીપ ધાયલ અને ફ્લાઇટ લેફ્ટનન્ટ મનીલ શર્મા કરી રહ્યા છે. ટીમના કોમેન્ટેટર અને એડમિનિસ્ટ્રેટર ફ્લાઇટ લેફ્ટનન્ટ કંવલ સંધુ છે અને ટીમના ડો્ટર સ્ક્વોડ્રન લીડર સદર્શન છે. બધા સભ્યો ટીમના સૂત્ર “સદૈવ સર્વોત્તમ” એટલે કે હંમેશા શ્રેષ્ઠ! SKAT શ્રેષ્ઠતાની ભાવનાને સાર્થક બનાવે છે. આ પાઇલોટ્સ જટિલ એરોબેટિક દાવપેચમાં નિપુણતા મેળવવા માટે સઘન તાલીમમાંથી પસાર થાય છે અને તેમની કુશળતા અને સંકલન સાથે ઉડ્ડયનનો પાયો બનાવે છે.

- Advertisement -

તાજેતરમાં, સૂર્યકિરણ ટીમના હોક એમકે 132 એરક્રાફ્ટમાં રંગીન ધુમાડો ઉત્પન્ન કરવામાં સક્ષમ સ્મોક પોડ્સનું ઇન્ટીગરેશન કરવામાં આવ્યું છે. એડવાન્સમેન્ટ ભારતીય વાયુસેનાના બેઝ રિપેર ડેપો, નાસિક ખાતે વિકસાવવામાં આવી હતી અને ટીમને તેમના હવાઈ પ્રદર્શન દરમિયાન રાષ્ટ્રધ્વજના રંગો કેસરી, સફેદ અને લીલો આકાશમાં પ્રદર્શિત કરવાની મંજૂરી આપવામાં આવી છે. આ ઉન્નતીકરણ માત્ર ડિસ્પ્લેમાં વિઝ્યુઅલ ઈમ્પેક્ટ ઉમેરતું નથી પણ એરોસ્પેસ એન્જિનિયરિંગ અને ઈનોવેશનમાં ભારતની સિદ્ધિઓની ઉજવણી કરીને રાષ્ટ્રીય ગૌરવના શક્િશાળી પ્રતીક તરીકે પણ કામ કરે છે.જામનગરવાસીઓ માટે આ ભવ્ય એર શો એક અદ્ભુત આકર્ષણ બની રહેશે.

- Advertisement -
RELATED ARTICLES
- Advertisment -

Most Popular