જામનગર શહેર જિલ્લામાં છેલ્લા બે દિવસથી રાત્રીના અરસામાં વિજળીના કડાકા ભડાકા અને પવન સાથે વરસાદ વરસી રહ્યો છે. ગઇકાલે પણ રાત્રીના સમયે મેઘરાજાની પધરામણી થઇ હતી. રાત્રીના સમયે જોડિયામાં દોઢ ઇંચ, જામનગરમાં એક ઇંચ, ધ્રોલમાં પોણો ઇંચ, કાલાવડમાં અડધો ઇંચ, લાલપુરમાં બે ઇંચ, જામજોધપુરમાં 8 મી.મી. વરસાદ નોંધાયો હતો. ગ્રામ્ય વિસ્તારોમાં પણ અડધાથી ત્રણ ઇંચ સુધી વરસાદ વરસ્યો હતો.
View this post on Instagram
રાજ્યના મોટાભાગના જિલ્લામાં મેઘા વિરામ રહ્યા બાદ ચોમાસાની સીઝન વિદાય થવાના આરે છે. એક તરફ આજે ગણપતિ વિસર્જન મહોત્સવ ચાલી રહ્યો છે ત્યારે ગણપતિ વિસર્જન પૂર્વે બે દિવસથી જામનગર શહેર જિલ્લામાં ફરી એક વખત મેઘરાજાની પધરામણી થઇ ચૂકી છે. હવામાન વિભાગ દ્વારા સમગ્ર સૌરાષ્ટ્ર અને ગુજરાતમાં ભારે વરસાદની આગાહી કરવામાં આવી છે. આ દરમિયાન ગુરૂવારે રાત્રીના જામનગર શહેર જિલ્લાનું હવામાન અચાનક પલટાયું હતું. અને વિજળીના કડાકા ભડાકા વચ્ચે ધોધમાર વરસાદ શરૂ થયો હતો જે ગઇકાલે પણ જામનગર શહેરમાં વરસાદી વાતાવરણ જોવા મળ્યું હતું. ગઇકાલે રાત્રીના સમયે જામનગરમાં ફરીથી વરસાદનું આગમન થયું હતું. રાત્રીના સમયે વિજળીના ચમકારા વચ્ચે જામનગરમાં વરસાદનો પ્રારંભ થયો હતો.
આજે સવારે પુરા થતાં 24 કલાક દરમિયાન જામનગર જિલ્લાના લાલપુર તાલુકામાં બે ઇંચ, જોડિયા તાલુકામાં દોઢ ઇંચ, જામનગરમાં એક ઇંચ, ધ્રોલમાં પોણો ઇંચ, કાલાવડમાં અડધો ઇંચ તથા જામજોધપુરમાં 8 મી.મી. વરસાદ વરસ્યો હતો. દિવસ દરમિયાન મેઘરાજાએ વિરામ રાખ્યા બાદ રાત્રીના સમયે ફરી આગમન થતાં વાતાવરણ ઠંડુગાર થયું હતું. જામનગર પંથકમાં તમામ 6 તાલુકાઓમાં ગઇકાલે વરસાદ વરસ્યો હતો. વિજળીના કડાકા ભડાકા અને ગાજવીજ સાથે મેઘરાજાનો બે દિવસથી રાત્રીના સમયે મુકામ જોવા મળી રહ્યો છે.
તાલુકાઓ તેમજ જામનગર શહેરની સાથે સાથે ગ્રામ્ય વિસ્તારોમાં પણ મેઘરાજાનો મુકામ જોવા મળી રહ્યો છે. ગ્રામ્ય વિસ્તારોની વાત કરીએ તો જામનગર તાલુકાના વસઇ ગામમાં 36 મી.મી., લાખાબાવળમાં 29 મી.મી., મોટી બાણુંગારમાં 31 મી.મી., ફલ્લામાં 25 મી.મી., જામવંથલીમાં 8 મી.મી., મોટી ભલસાણમાં 22 મી.મી., અલીયાબાડામાં 12 મી.મી., દરેડમાં 40 મી.મી., જોડિયા તાલુકામાં મી.મી., હડિયાણામાં 20 મી.મી., બાલંભામાં 25 મી.મી., પીઠડમાં 2 મી.મી., ધ્રોલ તાલુકાના લતીપુર 7 મી.મી., જાલીયા દેવાણીમાં 37 મી.મી., કાલાવડ તાલુકાના નિકાવામાં 5 મી.મી., મોટા વડાળામાં 5 મી.મી., ભલસાણ બેરાજા 15 મી.મી., નવાગામમાં 15 મી.મી., મોટા પાંચદેવડામાં 22 મી.મી., જામજોધપુર તાલુકાના સમાણામાં 12 મી.મી., શેઠવડાળામાં 10 મી.મી., જામવાડીમાં 16 મી.મી., વાંસજાળીયામાં 10 મી.મી., ધુનડામાં 27 મી.મી., ધ્રાફામાં 15 મી.મી., પરડવામાં 4 મી.મી., લાલપુર તાલુકાના પીપરટોડામાં 3 મી.મી., પડાણામાં 45 મી.મી., ભણગોરમાં 11 મી.મી., મોટાખડબામાં 38 મી.મી. તથા હરીપરમાં 79 મી.મી. વરસાદ છેલ્લા 24 કલાક દરમિયાન નોંધાયો છે.
આજે સવારે પણ જામનગર શહેર જિલ્લામાં વરસાદી વાતાવરણ વચ્ચે છુટાછાયા વરસાદી ઝાપટા જોવા મળ્યા હતાં. સવારે 8 થી 10 દરમિયાન જામજોધપુર તાલુકામાં અડધો ઇંચ તથા જામનગરમાં 8 મી.મી., જોડિયામાં 8 મી.મી., ધ્રોલમાં 2 મી.મી., કાલાવડમાં 6 મી.મી. તથા લાલપુરમાં 3 મી.મી. પાણી વરસ્યુ હતું.
