લાંબા ગામે દેશી દારૂની ધમધમતી ભઠ્ઠી ઉપર પોલીસ ત્રાટકી

કલ્યાણપુર પંથકમાં દારૂ અંગે સ્થાનિક પી.એસ.આઈ. યુ.બી. અખેડના માર્ગદર્શન હેઠળ સ્થાનિક પોલીસ સ્ટાફ દ્વારા ગતસાંજે પેટ્રોલિંગ હાથ ધરવામાં આવ્યું હતું. આ દરમિયાન કલ્યાણપુરથી આશરે 35 કિલોમીટર દૂર લાંબા ગામની સીમ વિસ્તારમાં રહેતા રાજેશભા નાનાભા કેર નામના 30 વર્ષના હિન્દુ વાઘેર શખ્સે પોતાની વાડીમાં દેશી દારૂની ભઠ્ઠી ચલાવતા પોલીસે ઉપરોક્ત શખ્સને ઝડપી લીધો હતો.

આ સ્થળેથી પોલીસે દેશી દારૂ, દારૂ બનાવવાનો આથો તેમજ વિવિધ સાધનો ઉપરાંત રૂપિયા 20,000 ની કિંમતનું એક મોટરસાયકલ મળી, કુલ રૂપિયા 29,480 નો મુદ્દામાલ કબજે કરી, પ્રોહીબીશન એક્ટ હેઠળ ધોરણસર કાર્યવાહી કરી હતી.