Thursday, May 6, 2021
Homeરાજ્યગુજરાતપ્લાસ્ટિક પર્યાવરણનું દુશ્મન છે, ભૂલી જાવ, ડો. તેજસ દોશીએ કરેલો ચમત્કાર જાણો

પ્લાસ્ટિક પર્યાવરણનું દુશ્મન છે, ભૂલી જાવ, ડો. તેજસ દોશીએ કરેલો ચમત્કાર જાણો

- Advertisement -

આપણી સૌની એક માન્યતા અને ઘણાં બધાં અંશે હકિકત એ છે કે, પ્લાસ્ટિક પર્યાવરણનું દુશ્મન છે. હજારો વર્ષ સુધી નોન રિસાયકલેબલ પ્લાસ્ટિક નાશ પામતું નથી. આ પ્લાસ્ટિક પર્યાવરણને પ્રદૂષિત બનાવે છે. માનવજીવનને વિવિધ રીતે હાનિ કરે છે. પરંતુ ભાવનગરમાં એક ડોકટર એવા છે જેણે પ્લાસ્ટિકને ઉપયોગી ચીજ બનાવી દીધી છે. તેમણે પ્લાસ્ટિકની ઇંટો બનાવી છે. આ ઇંટો વર્ષો સુધી કામ આવી શકે છે અને આ આખો પ્રોજેકટ ભાવનગર મહાનગરપાલિકાએ સ્વચ્છ ભારત મિશન હેઠળ અમલમાં પણ મુકી દીધો છે.આ ઇંટને અંગ્રેજીમાં ઇકો બ્રિક કહેવામાં આવે છે. જે હવે પછીના વર્ષોમાં આપણને ખુબ જ ઉપયોગી પુરવાર થશે.

- Advertisement -

ભાવનગર મહાનગરપાલિકાના સ્વચ્છ ભારત મિશનના બ્રાન્ડ એમ્બેસેડર ડો.તેજસ દોશી આ આખા પ્રોજેકટ પાછળનું મુખ્ય ભેજુ છે. ભાવનગર મહાનગરપાલિકા નાગરિકો પાસેથી વિવિધ પ્રકારની પ્લાસ્ટિકની બોટલો મંગાવે છે. મહાનગરપાલિકાએ લોકોને કહ્યું છે કે, આ બોટલની અંદર નમકીન અને ચિપ્સના રેપર, દુધની ખાલી કોથળીઓ તથા ગુટકા અને ચોકલેટના રેપર જેવા નોન રિસાયકલેબલ પ્લાસ્ટિક ઠાંસીને ભરી દો. જેનું અંદાજે વજન 1 કિલો જેટલું થાય. આ બોટલ કોર્પોરેશનને મોકલો. આ રીતે ભરેલી ત્રણ બોટલના કોર્પોરેશન નાગરિકને 10 રૂા. આપે છે. આ અભ્યિાન શાળાઓમાં પણ હાથ ધરવામાં આવ્યું છે. જેના કારણે ઘણાં બધા છાત્રોને પોકેટમની પણ મળી રહે છે.

આ પ્રકારની એક બોટલમાં અંદાજે 350ગ્રામ જેટલું પ્લાસ્ટિક સમાઇ શકે છે. ભાવનગરના તમામ 13 વોર્ડમાં આ અભિયાન હાથ ધરવામાં આવ્યું છે. આપણે રોપાના વાવેતર પછી આ પ્રકારની ભરેલી બોટલોનો ટ્રી ગાર્ડ તરીકે ઉપયોગ કરી શકીએ છીએ. આ ઉપરાંત વોક-વે, બેસવાની બેન્ચ, વોકિંગ ટ્રેક, તથા બ્રાઉન્ડ્રી વોલ વગેરેમાં આ ઇકો બ્રિકનો ઉપયોગ થઇ શકે છે.

- Advertisement -

ડો.તેજસ દોશી કહે છે, તેણે તથા તેના મિત્રોએ ફેસબુકના માધ્યમથી આ આઇડિયાને 6000 વખત શેર કરી લોકોમાં જાગૃતિ ફેલાવવાનો પ્રયત્ન કર્યો છે. ભાવનગર કોર્પોરેશને આ રીતે 40,000 બોટલ એકત્રિત કરી છે અને તેની મદદથી એકવા ગાર્ડન બનાવ્યો છે. આ આઇડિયાને કારણે 14 ટન જેટલું પ્લાસ્ટિક જે પર્યાવરણનું દુશ્મન હતું તેને પર્યાવરણની રક્ષા માટે ઉપયોગમાં લેવામાં આવ્યું છે. જેનાથી સ્વચ્છ ભારત મિશનને પણ બળ મળ્યું છે.

- Advertisement -
RELATED ARTICLES
- Advertisment -

Most Popular