જામનગર તાલુકાના ગોરધનપરમાં આવેલા રહેણાંક મકાનમાંથી એલસીબીની ટીમે બાતમીના આધારે રેઈડ દરમિયાન 456 બોટલ દારૂ અને મહિન્દ્ર પીકઅપ વાહન સહિત 10.32 લાખના મુદ્દામાલ સાથે બે શખ્સોને દબોચી લઇ પુછપરછ હાથા ધરી હતી.
દરોડાની વિગત મુજબ જામનગર તાલુકાના ગોરધનપર ગામના પાટીયા પાસે રહેતાં રવિ સુનિલ મકવાણા નામના શખ્સના મકાનમાં ઈંગ્લીશ દારૂનો જથ્થો ઉતર્યો હોવાની ક્રિપાલસિંહ જાડેજા, અરજણભાઈ કોડીયાતર, સુમિતભાઈ શિયારને મળેલી બાતમીના આધારે પોલીસ અધિક્ષક પ્રેમસુખ ડેલુની સુચનાથી પીઆઈ વી.એમ. લગારીયા, પીએસઆઇ પી.એન. મોરી, એ.કે. પટેલ તથા સ્ટાફના સંજયસિંહ વાળા, હરપાલસિંહ સોઢા, ભરતભાઈ પટેલ, નાનજીભાઈ પટેલ, શરદભાઈ પરમાર, દિલીપભાઈ તલવાડિયા, વનરાજભાઈ મકવાણા, ધાનાભાઈ મોરી, હિતેન્દ્રસિંહ જાડેજા, અરજણભાઈ કોડીયાતર, મયુદીનભાઈ સૈયદ, ક્રિપાલસિંહ જાડેજા, કાસમ બ્લોચ, નિર્મળસિંહ જાડેજા, કિશોરભાઈ પરમાર, હરદીપભાઇ બારડ, ઋષિરાજસિંહ વાળા, મયુરસિંહ પરમાર, કલ્પેશભાઈ મૈયડ, ધર્મેન્દ્રસિંહ જાડેજા, દયારામ ત્રિવેદી, બિજલભાઈ બારાસરા, ધર્મેન્દ્રસિંહ જાડેજા, ભારતીબેન ડાંગર સહિતના સ્ટાફે રેઈડ કરી હતી.
એલસીબીની ટીમે ગોરધનપર ગામના રહેણાંક મકાનમાંથી રેઈડ દરમિયાન તલાસી લેતા રૂા.3,27,432 ની કિંમતની ઇંગ્લીશ દારૂની 456 બોટલ મળી આવી હતી. તેમજ એલસીબીએ રૂા.5 હજારની કિંમતનો એક મોબાઇલ ફોન અને રૂા. 7 લાખની કિંમતનું જીજે-27-ટીટી-1063 નંબરનું મહિન્દ્રા પીકઅપ વાહન મળી કુલ રૂા.10,32,432 ની કિંમતના મુદ્દામાલ સાથે રવિ મકવાણા અને જામનગરના બાદલ બિજલ પરમાર નામના બે શખ્સોને ઝડપી લઇ પુછપરછ હાથ ધરતા દારૂનો જથ્થો જામનગરની કામદાર કોલોનીમાં રહેતાં હિરેન ઈન્દ્રજીત ચંદન પાસેથી ખરીદ્યો હોવાની કેફિયત આપતા એલસીબીની ટીમે ત્રણ શખ્સો વિરૂધ્ધ ગુનો નોંધી આગળની કાર્યવાહી હાથ ધરી હતી.
