જામનગર શહેરમાં જૂની શાકમાર્કેટ પાસે જાહેરમાં તીનપતિનો જૂગાર રમતા છ શખ્સોને પોલીસે રેઈડ દરમિયાન રૂા.6070 ની રોકડ રકમ અને ગંજીપના સાથે ઝડપી લીધા હતાં. જામનગરના અન્નપૂર્ણા ચોકડી પાસેથી જાહેરમાં વર્લીમટકાના આંકડા લખતા બે શખ્સોને પોલીસે રૂા.2380 ની રોકડ રકમ સાથે ઝડપી લીધા હતાં.
જૂગાર દરોડાની વિગત મુજબ, પ્રથમ દરોડો જામનગર શહેરના શાકમાર્કેટ પાસે આવેલી નાની આશાપુરા કોર્ટવાળફળીમાં જાહેરમાં તીનપતિનો જૂગાર રમતા સીરાજ કરીમ કુરેશી, કિશોર હિરાલાલ ચૌહાણ, અરવિંદ બાબુ મકવાણા, અતુલ ખીમજી ગોહિલ, રમેશ રામજી પરમાર, મુસ્તફા કરીમ કુરેશી નામના છ શખ્સોને સિટી એ ડીવીઝન પોલીસ સ્ટાફે રેઈડ દરમિયાન ઝડપી લઇ તેમની પાસેથી રૂા.6070 ની રોકડ રકમ અને ગંજીપના કબ્જે કરી આગળની કાર્યવાહી હાથ ધરી હતી.
બીજો દરોડો, જામનગર શહેરમાં અન્નપૂર્ણા ચોકડી પાસે જાહેરમાં વર્લીમટકાના આંકડા લખી પૈસાની હારજીત કરતા હસમુખ મણીલાલ શનિશ્ર્ચરા, રાજેશ વાલજી સોનગરા નામના બે શખ્સોને સિટી એ ડીવીઝન પોલીસે રૂા.2380 ની રોકડ રકમ અને વર્લીના આંકડા લખેલા સાહિત્ય સાથે ઝડપી લઇ આગળની કાર્યવાહી હાથ ધરી હતી.
