દેશભરમાં વધી રહેલી મોંઘવારીના મારનો સામનો કરી રહેલી પ્રજા ઉપર વધુ એક બોજ આવ્યો છે. પેટ્રોલ-ડીઝલ અને રાંઘણ ગેસના ભાવમાં વધારા બાદ હવે સીએનજી અને પીએનજી ગેસના ભાવમાં પણ વધારો થયો છે. સીએનજીના ભાવમાં પ્રતિ કિલો 50 પૈસાનો વધારો કરાયો છે. તે જ સમયે, PNGની કિંમતમાં પ્રતિ SCM 1 રૂપિયાનો વધારો થયો છે.
દિલ્હીમાં ઘરેલુ PNGનો ભાવ એક રૂપિયા પ્રતિ કિલો, જ્યારે CNGના ભાવ 50 પૈસા પ્રતિ કિલો વધી ગયા છે. ભાવ વધારા બાદ PNGનો ભાવ 37.61 રૂપિયા અને CNGનો ભાવ 35.86 રૂપિયા થયો છે. આ નવો ભાવ આજથી જ લાગુ કરવામાં આવશે.
IGL એ આજે તેના ગ્રાહકોને SMS દ્વારા ભાવ વધારા વિશે જાણ કરી છે.અગાઉ જાન્યુઆરીમાં પીએનજીના ભાવમાં વધારો કરવામાં આવ્યો હતો. જાન્યુઆરીમાં, કંપનીએ SCM (સપ્લાય ચેઇન મેનેજમેન્ટ) દીઠ ભાવમાં 50 પૈસાનો વધારો કર્યો હતો. કંપનીએ આ માટે વધતી કિંમતને કારણ ગણાવ્યું છે. પીએનજીના ભાવમાં ઝડપી વધારાને કારણે એલપીજી અને પેટ્રોલ અને ડીઝલના ભાવમાં પહેલેથી જ વધારો જોવા મળ્યો છે. માર્ચ મહિનામાં 4 મહિનાથી વધુ સમય બાદ પેટ્રોલ અને ડીઝલના ભાવમાં ફેરફાર જોવા મળ્યો છે. છેલ્લા બે દિવસમાં પેટ્રોલ અને ડીઝલના ભાવમાં વધારો થયો છે. અને હવે સીએનજી – પીએનજીના ભાવ વધતા લોકો મુશ્કેલીમાં મુકાયા છે.
