રક્તદાનનું મહત્વ લોકો સુધી પહોંચાડવા અને સ્વૈચ્છિક રક્તદાન અંગે જનજાગૃતિ ફેલાવવાના હેતુથી ‘રક્ત સેવક બાઈક રાઈડ ગુજરાત સ્ટેટ 2026’નું આયોજન કરવામાં આવ્યું છે. આ સાથે જામનગરમાં ટાટા મોટર્સ ભગવતી ઓટોલિંક શોરૂમ ખાતે ટાટા મોટર્સની નવી ગાડીઓનું લોન્ચિંગ પણ કરવામાં આવ્યું છે.
રક્તદાન જાગૃતિ માટે યોજાનારી આ વિશાળ બાઈક યાત્રામાં આશરે 100 બાઈકર્સ જોડાશે. ગાંધીબાપુની કર્મભૂમિ એવા સાબરમતી આશ્રમથી આ યાત્રાનો પ્રારંભ કરવામાં આવશે. યાત્રા દરમિયાન બાઈકર્સ ગુજરાતના વિવિધ ગામડાં, તાલુકા, શહેરો અને જિલ્લાઓમાંથી પસાર થઈને લોકોને રક્તદાનનું મહત્વ સમજાવશે.
1 ઓક્ટોબર, નેશનલ વોલન્ટરી બ્લડ ડોનેશન ડેના દિવસે શરૂ થનારી આ યાત્રા ગુજરાતના તમામ 34 જિલ્લાઓમાં ફરશે અને 5,500 કિલોમીટરથી વધુનું અંતર કાપશે. યાત્રાનું સમાપન 31 ઓક્ટોબરે સ્ટેચ્યુ ઓફ યુનિટી ખાતે કરવામાં આવશે.
આ સમગ્ર અભિયાનનો મુખ્ય હેતુ લોકોમાં સ્વૈચ્છિક રક્તદાન અંગે જાગૃતિ વધારવાનો છે. અકસ્માતો ઉપરાંત થેલેસેમિયા, સિકલ સેલ અને કેન્સર જેવી બીમારીઓમાં દર્દીઓને રક્તની જરૂરિયાત રહેતી હોય છે. આવા સમયે જરૂરી રક્ત સરળતાથી ઉપલબ્ધ થઈ શકે તે માટે વધુમાં વધુ લોકો નિયમિત રીતે રક્તદાન કરે તે અંગે અપીલ કરવામાં આવશે.
View this post on Instagram
આ ઉપરાંત લોકો પોતાનું બ્લડ ગ્રુપ જાણે અને રક્તદાતાઓનો વ્યવસ્થિત ડેટાબેઝ તૈયાર થાય તે દિશામાં પણ જાગૃતિ ફેલાવવામાં આવશે.
ભારત સરકારના આરોગ્ય મંત્રાલયની ‘ઈ-રક્તકોષ’ એપ્લિકેશન અંગે પણ લોકોને માહિતગાર કરવામાં આવશે, જેથી રક્તની ઉપલબ્ધતા અને જરૂરિયાત વચ્ચે યોગ્ય સંકલન થઈ શકે.
આ સમગ્ર યાત્રાનું આયોજન ડો. મનીષ વીરજા અને સેન્ચુરિયન બ્લડ ડોનર ધર્મેન્દ્રભાઈ પટેલ દ્વારા કરવામાં આવ્યું છે. ‘મેં ભી રક્તદાતા, હર ઘર રક્તદાતા’ના સંદેશ સાથે આ અભિયાનને ગુજરાતભરમાં લઈ જવાનો પ્રયાસ કરવામાં આવશે.
સાથે જ બીજી તરફ જામનગરના કારપ્રેમીઓ માટે પણ ટાટા મોટર્સ દ્વારા નવી ગાડીઓની રેન્જ રજૂ કરવામાં આવી છે. જામનગરના ટાટા મોટર્સ ભગવતી ઓટોલિંક શોરૂમ ખાતે નવી ગાડીઓનું લોન્ચિંગ કરવામાં આવ્યું હતું.
આ પ્રસંગે એરિસ, સિયારા ડાર્ક એડિશન અને કર્વ એક્સ સિરીઝને ગ્રાહકો સમક્ષ રજૂ કરવામાં આવી હતી. નવી ગાડીઓના લોન્ચિંગને લઈને શોરૂમ ખાતે કારપ્રેમીઓ અને ગ્રાહકોમાં ઉત્સાહ જોવા મળ્યો હતો.
ટાટા મોટર્સની સિયારા ડાર્ક એડિશનને ખાસ લેજન્ડરી ડાર્ક કલરમાં રજૂ કરવામાં આવી છે. તેનો આકર્ષક દેખાવ અને ડિઝાઇન કારપ્રેમીઓ માટે ખાસ આકર્ષણનું કેન્દ્ર બની છે.
તેની સાથે કર્વ એક્સ સિરીઝને પણ યુનિક અને સ્ટાઇલિશ લુક સાથે રજૂ કરવામાં આવી છે. ટાટા મોટર્સ દ્વારા નવી ગાડીઓમાં આધુનિક ડિઝાઇન અને આકર્ષક લુકને પ્રાધાન્ય આપવામાં આવ્યું છે.
ભગવતી ઓટોલિંક દ્વારા જામનગરની જનતાને નવી લોન્ચ થયેલી ગાડીઓ જોવા અને તેની વિશેષતાઓ અંગે માહિતી મેળવવા માટે શોરૂમની મુલાકાત લેવા અપીલ કરવામાં આવી છે.
આ રીતે એક તરફ રક્તદાન જાગૃતિ માટે 5,500 કિમીની વિશાળ બાઈક યાત્રા દ્વારા ‘હર ઘર રક્તદાતા’નો સંદેશ ગુજરાતભરમાં પહોંચાડવાનો પ્રયાસ કરવામાં આવી રહ્યો છે, જ્યારે બીજી તરફ જામનગરમાં ટાટા મોટર્સ ભગવતી ઓટોલિંક ખાતે નવી ગાડીઓના લોન્ચિંગથી કારપ્રેમીઓમાં પણ ઉત્સાહનો માહોલ જોવા મળી રહ્યો છે.
