જામનગર તાલુકાના દરેડ ગામ નજીકથી પોલીસે રેઇડ દરમ્યાન ઇંગ્લીશ દારૂના જથ્થા સાથે બેશખ્સોને ઝડપી લીધા હતાં. જામનગરના દિગ્વિજય પ્લોટ વિસ્તારમાંથી પોલીસે દારૂની બોટલ સાથે શખ્સને ઝડપી લઇ આગળની કાર્યવાહી હાથ ધરી હતી.
દરોડાની વિગત મુજબ જામનગર તાલુકાના દરેડ ગામમાં સ્થાનિક પોલીસ રેઇડ દરમ્યાન શિવમ દિનેશ ગૌસ્વામી અને જયકિશન વિનોદ રાઠોડ નામના બે શખ્સોને આંતરીને તલાશી લેતા તેમના કબ્જામાંથી રૂપિયા 1000ની કિંમતની દારૂની ચાર બોટલ મળી આવતા પોલીસે બન્નેની ધરપકડ કરી ગુનો નોંધી આગળની કાર્યવાહી હાથ ધરી હતી. બીજો દરોડો જામનગર શહેરના દિગ્વિજય પ્લોટ 54 વિસ્તારમાંથી પસાર થતાં ચિરાગ ઉર્ફે ગોગી જગદીશ અમલ નામના શખ્સની તલાશી લેતા તેની પાસેથી રૂા.500 ની કિંમતની દારૂની બોટલ મળી આવતા અટકાયત કરી હતી. ત્રીજા દરોડામાં જામનગરના બેડી વિસ્તારમાંથી પસાર થતા સલીમ ઉર્ફે મુન્નો નૂરમામદ મુનરાઇ નામના શખ્સને સીટી બી ડિવિઝન પોલીસ સ્ટાફે આંતરીને તલાશી લેતા તેના કબ્જામાંથી રૂપિયા 500ની કિંમતની દારૂની એક બોટલ મળી આવતા ધરપકડ કરી હતી.
