જામનગર શહેર અને જિલ્લામાં તસ્કરો તરખાટની સાથે-સાથે દારૂની રેલમછેલ જોવા મળી રહી છે. બે દિવસ પહેલાં જ વાડીમાંથી દારૂનો વિશાળ જથ્થો મળી આવ્યા બાદ એલસીબીની ટીમે ગંગાવાવ નજીક પડતર મકાનમાંથી રૂા.7.58 લાખની કિંમતની 1896 બોટલ દારૂ મળી આવતા ત્રણ બુટલેગરોની શોધખોળ આરંભી હતી.
રાજ્યભરમાં વ્યાજખોરી ડામવા માટે ઝુંબેશનો સોમવારથી પ્રારંભ થયો છે. જેમાં જામનગર પોલીસ અધિક્ષક દ્વારા ગઈકાલે ધન્વન્તરિ ઓડીટોરીયમમાં વ્યાજખોરી ડામવા જનસભાનું આયોજન કરવામાં આવ્યું હતું. પોલીસ વિભાગ દ્વારા સરાહનીય કામગીરી કરવામાં આવી રહી છે પરંતુ સાથે-સાથે શહેર-જિલ્લામાં તસ્કરોનો તરખાટ સતત વધતો જાય છે અને દારૂની રેલમછેલ જોવા મળે છે. બે દિવસ પૂર્વે જ લાવડીયા ગામના વાડી વિસ્તારમાંથી દારૂનો મોટો જથ્થો ઝડપાયા બાદ એલસીબીના ભગીરથસિંહ સરવૈયા, યશપાલસિંહ જાડેજા, હરદીપ ધાંધલને મળેલી બાતમીના આધારે પીઆઈ જે.વી. ચૌધરી, પીએસઆઈ આર.એ.કરમટા, એસ.પી. ગોહિલ તથા સ્ટાફના એએસઆઈ માંડણભાઈ વસરા, સંજયસિંહ વાળા, હરપાલસિંહ સોઢા, ભરતભાઈ પટેલ તથા પોલીસ હેકો નાનજીભાઈ પટેલ, શરદભાઈ પરમાર, દિલીપભાઈ તલવાડિયા, હિરેનભાઈ વરણવા, ભગીરથસિંહ સરવૈયા, હરદિપભાઈ ધાધલ, વનરાજભાઈ મકવાણા, ધાનાભાઈ મોરી, અશોકભાઈ સોલંકી, ધર્મેન્દ્રસિંહ જાડેજા, યશપાલસિંહ જાડેજા, હિતેન્દ્રસિંહ જાડેજા, દોલતસિંહ જાડેજા, ઘનશ્યામભાઈ ડેરવાળિયા તથા પોકો ફીરોજભાઈ ખફી, શિવભદ્રસિંહ જાડેજા, નિર્મળસિંહ જાડેજા, યોગરાજસિંહ રાણા, કિશોરભાઈ પરમાર, રાકેશભાઈ ચૌહાણ, બળવંતસિંહ પરમાર, સુરેશભાઈ માલકિયા, દયારામ ત્રિવેદી ધર્મેન્દ્રસિંહ જાડેજા તથા ભારતીબેન ડાંગર સહિતના સ્ટાફે ગંગાવાવ ગામ નજીક પડતર મકાનમાં રેઈડ પાડી હતી.
એલસીબીની ટીમે રેઈડ દરમિયાન લાવડીયામાં ઝડપાયેલા દારૂનો જથ્થો સપ્લાય કરનાર પાર્થ ઉર્ફે જાંબલી જીતેન્દ્ર કતિયાર, સતિષ ઉર્ફે રાધે જેઠાલાલ વેલજીભાઈ મંગે, વિમલ ઉર્ફે ડોડારો તુલસી પમનાણી નામના બુટલેગરોએ દારૂનો વધુ જથ્થો ગંગાવાવ પાસેના પડતર મકાનમાંથી સંતાડયો હતો. જેથી એલસીબીની ટીમે પડતર મકાનની તલાસી લેતા તેમાંથી રૂા.7,58,400 ની કિંમતની 1896 ઈંગ્લીશ દારૂનો જથ્થો મળી આવતા પોલીસે ત્રણ શખ્સો વિરૂધ્ધ બીજો ગુનો નોંધી તપાસ આરંભી હતી.
