જામનગર શહેરમાંથી એક્ટિવાની ચોરી કરનાર શખ્સને સીટી-સી ડિવિઝન પોલીસે ખોડિયાર કોલોની પાસેથી ચોરાઉ મોટરસાયકલ સાથે ઝડપી લઇ કાયદેસરની કાર્યવાહી કરી હતી.
આ અંગેની વિગત મુજબ જામનગર શહેરમાંથી એક્ટિવાની ચોરી થયા અંગેની સીટી-સી પોલીસ સ્ટેશનમાં ફરિયાદ નોંધાઇ હતી. આ દરમિયાન ખોડિયાર કોલોની પાસેથી એક શખ્સ ચોરાઉ મોટરસાયકલ સાથે હોવાની એલસીબીના સંજયસિંહ વાળા, દિલીપભાઇ તલાવડીયા તથા હિતેન્દ્રસિંહ જાડેજાને મળેલ બાતમીના આધારે જિલ્લા પોલીસ વડા પ્રેમસુખ ડેલુની સૂચના તથા એલસીબીના પીઆઇ જે.વી. ચૌધરીના માર્ગદર્શન હેઠળ એસ.પી. ગોહિલ તથા સ્ટાફના એએસઆઈ માંડણભાઈ વસરા, સંજયસિંહ વાળા, હરપાલસિંહ સોઢા, ભરતભાઈ પટેલ તથા પોલીસ હેકો નાનજીભાઈ પટેલ, શરદભાઈ પરમાર, દિલીપભાઈ તલવાડિયા, હિરેનભાઈ વરણવા, ભગીરથસિંહ સરવૈયા, હરદિપભાઈ ધાધલ, વનરાજભાઈ મકવાણા, ધાનાભાઈ મોરી, અશોકભાઈ સોલંકી, ધર્મેન્દ્રસિંહ જાડેજા, યશપાલસિંહ જાડેજા, હિતેન્દ્રસિંહ જાડેજા, દોલતસિંહ જાડેજા, ઘનશ્યામભાઈ ડેરવાળિયા તથા પોકો ફીરોજભાઈ ખફી, શિવભદ્રસિંહ જાડેજા, નિર્મળસિંહ જાડેજા, યોગરાજસિંહ રાણા, કિશોરભાઈ પરમાર, રાકેશભાઈ ચૌહાણ, બળવંતસિંહ પરમાર, સુરેશભાઈ માલકિયા, દયારામ ત્રિવેદી ધર્મેન્દ્રસિંહ જાડેજા તથા ભારતીબેન ડાંગર સહિતના સ્ટાફ દ્વારા ખોડિયાર કોલોની, જુની શાક માર્કેટ પાસેથી સુનિલ દિપક ધંનધાણીયાને રૂા. 30,000ની કિંમતનું એક્ટિવા ઝડપી લીધો હતો.
