હાપા યાર્ડમાં મગફળીનો રાજ્યનો સૌથી વધુ ભાવ

જામનગર ખેતીવાડી ઉત્પન્ન બજાર સમિતિ સંચાલીત હાપા માર્કેટ યાર્ડમાં આજે યોજાયેલ મગફળીની હરાજીમાં સમગ્ર રાજ્યનો અત્યાર સુધીમાં સૌથી વધુ રૂા. 2000 પ્રતિ મણનો ભાવ બોલાયો હતો. ખેડૂતોને મગફળીના ઉંચા ભાવ મળતાં ખુશીની લાગણી છવાઇ હતી.

હાપા માર્કેટ યાર્ડમાં આજરોજ ચાલી રહેલ મગફળીની જાહેર હરરાજી દરમિયાન પ્રતિ મણ (20 કિલો)ના રૂા. 2000નો ભાવ બોલાયો હતો. જે સમગ્ર ગુજરાત રાજ્યનો અત્યાર સુધીનો સૌથી ઉંચો ભાવ રહ્યો હતો. હાપા માર્કેટ યાર્ડમાં અંદાજિત 66 ગુણી એટલે કે, અંદાજિત 100 મણ જેટલી મગફળીની આવક થઇ હતી. જેના રૂા. 2000 પ્રતિ મણ ભાવ મળતાં ખેડૂતોમાં ખુશી છવાઇ હતી.