છેલ્લાં ત્રણ વર્ષથી લુંટ તથા બળાત્કારના કેસમાં પેરોલ જમ્પ કરી નાસતા ફરતા આરોપી રમેશ ભાવુ વાધેલા વેડવા નામના આરોપીને જામનગર પેરોલ ફર્લો સ્કવોડે ઝડપી લઇ અમદાવાદ મધ્યસ્થ જેલને સોપી આપવા કાર્યવાહી હાથ ધરી હતી.
આ અંગેની વિગત મુજબ અમદાવાદ ગ્રામ્ય સાણંદ પોલીસ સ્ટેશનમાં નોંધાયેલ લુંટ તથા બળાત્કારના કેસમાં આરોપી અમદાવાદ સાબરમતી મધ્યસ્થ જેલના પાકા કામના કેદી રમેશ ભાવુ વાધેલા વેડવા(ઉ.વ.45) હાલમાં અમદાવાદ જેલમાંથી પેરોલ જમ્પ કરી તા.17/8/2018થી નાસતો ફરતો હોય જામનગર પેરોલ ફર્લો સ્કવોડના હેકો કાસમભાઇ બ્લોચ તથા લખધીરસિંહ જાડેજાને આરોપી રાજકોટમાં હોવાની બાતમીના આધારે આરોપીને રાજકોટ શહેરમાંથી પકડી પાડી આગળની કાર્યવાહી કરવા અમદાવાદ મધ્યસ્થ જેલ ખાતે સોંપવા તજવીજ હાથ ધરી હતી.
આ કામગીરી પેરોલ ફર્લો સ્કવોર્ડના પીએસઆઈ બી.એમ.દેવમુરારી,હેકો લખધીરસિંહ જાડેજા, રાજેશભાઇ સુવા, ગજેન્દ્રસિંહ જાડેજા, રણજીતસિંહ પરમાર, સલીમભાઈ નોયડા, કાસમભાઈ બ્લોચ,તથા પો.કો. મયપાલભાઇ સાદિયા, ધર્મેન્દ્રભાઈ વૈષ્ણવ તથા હેકો.અરવિંદગીરી ગોસાઈ દ્વારા કરવામાં આવી હતી.
