જામનગર તાલુકાના નાઘેડી ગામમાં આવેલા રહેણાંક મકાનમાં પોલીસે તપાસ દરમિયાન દારૂની ચાર બોટલો સાથે શખ્સની અટકાયત કરી હતી. જામનગરના પવનચકકી વિસ્તારમાંથી પોલીસે દારૂની બોટલ સાથે શખ્સને ઝડપી લઇ કાર્યવાહી હાથ ધરી હતી.
- Advertisement -
આ અંગેની વિગત મુજબ જામનગર તાલુકાના નાઘેડી ગામમાં આવેલી શિવાલીંગ સોસાયટીમાં રહેતા કિશન ગઢવી નામના શખ્સના મકાનમાં દારૂનો જથ્થો હોવાની બાતમીના આધારે પંચકોશી બી પોલીસ સ્ટાફે રેઇડ દરમિયાન તલાસી લેતા તેમાંથી રૂા.2000 ની કિંમતની ચાર બોટલ ઈંગ્લીશ દારૂ મળી આવતા પોલીસે શખ્સની અટકાયત કરી વધુ પૂછપરછ હાથ ધરી હતી. તેમજ બીજો દરોડો જામનગર શહેરના પવનચકકી વિસ્તારમાંથી પસાર થતા સંદિપ કાંતિલાલ નંદા નામના શખ્સને આંતરીને તલાસી લેતા તેના કબ્જામાંથી રૂા.1000 ની કિંમતની દારૂની બે બોટલ મળી આવતા પોલીસે દારૂ સાથે શખ્સની અટકાયત કરી આગળની કાર્યવાહી હાથ ધરી હતી.
- Advertisement -
