પ્લાસ્ટિક ડોલ, ટબ કે (મગ) રોજબરોજના વપરાશને કારણે સમય જતાં ઝાંખા પડી જાય છે. તેના પર પાણીના ક્ષાર અને સાબુના ફીણને લીધે એક સફેદ, જીદ્દી પરત (જામી ગયેલો ક્ષાર) બની જાય છે, જે સામાન્ય રીતે પાણીથી ધોવાથી નીકળતી નથી. આવી ડોલ કે મગ દેખાવમાં ખરાબ અને જૂના લાગે છે. જો તમારી ડોલ પણ આવી જ સફેદ પરતથી ખરાબ થઈ ગઈ છે, તો તેને ફેંકી દેવાની કે નવી ખરીદવાની જરૂર નથી. ઘરમાં જ ઉપલબ્ધ કેટલીક સરળ વસ્તુઓનો ઉપયોગ કરીને તમે તેને મિનિટોમાં ચમકાવી શકો છો. અહી આપણે પ્લાસ્ટિકના વાસણોને સાફ કરવાની કેટલીક અકસીર અને સરળ ટિપ્સ જોઈશું.
પ્લાસ્ટિકની ડોલ અને મગ સાફ કરવાની સરળ રીતો
1. સફેદ વિનેગર (સરકો) અને પાણીનું મિશ્રણ
વિનેગરમાં રહેલું એસિડિક તત્વ પ્લાસ્ટિક પર જામેલા કઠણ ક્ષારને ખૂબ જ સરળતાથી ઓગાળી નાખે છે.
રીત: એક મોટા વાસણમાં અથવા તે જ ડોલમાં અડધું ગરમ પાણી ભરો અને તેમાં 1 થી 2 કપ સફેદ વિનેગર ઉમેરો. હવે ડબલાને આ પાણીમાં ડુબાડી દો. આ મિશ્રણને 2-3 કલાક માટે એમ જ છોડી દો. ત્યારપછી, સ્ક્રબર પર સામાન્ય લિક્વિડ સોપ લગાવીને હળવા હાથે ઘસો. સફેદ પરત તરત જ નીકળી જશે.
2. બેકિંગ સોડા (ખાવાનો સોડા)
બેકિંગ સોડા એક કુદરતી ક્લીનર છે જે ડાઘ અને દુર્ગંધ બંનેને દૂર કરવામાં મદદ કરે છે.
રીત: બેકિંગ સોડામાં થોડું પાણી ઉમેરીને ઘટ્ટ પેસ્ટ બનાવી લો. આ પેસ્ટને ડોલ અને, મગની સફેદ પરત વાળા ભાગ પર બરાબર લગાવી દો અને 20 મિનિટ માટે રહેવા દો. ત્યારબાદ, સ્ક્રબરની મદદથી વર્તુળાકારમાં ઘસીને સાફ કરી લો અને પાણીથી ધોઈ નાખો.
3. લીંબુ અને મીઠું
જો ક્ષારની પરત બહુ જૂની ન હોય, તો લીંબુ અને મીઠાનો પ્રયોગ સૌથી બેસ્ટ અને ઇકો-ફ્રેન્ડલી છે.
રીત: એક લીંબુને અડધું કાપી લો. તેના પર ખાવાનું મીઠું છાંટો. હવે આ લીંબુને ડોલ અને ડબલા પર બરાબર ઘસો. લીંબુનો રસ અને મીઠાનું ખરબચડું ટેક્સચર ક્ષારને ઉખાડી દેશે. 5 મિનિટ પછી સામાન્ય પાણીથી ધોઈ લો.
4. જો ઘણી બધી ગંદકી હોય, તો તેને જંતુમુક્ત કરો
જો ડોલ અથવા મગ પર ખૂબ ડાઘ હોય, અથવા તમે તેને જંતુમુક્ત કરવા માંગતા હો, તો તમે થોડી માત્રામાં બ્લીચ અથવા જંતુનાશકનો ઉપયોગ કરી શકો છો. પાણીમાં થોડી માત્રામાં બ્લીચ મિક્સ કરો અને ડોલ અને મગને તેમાં 15-20 મિનિટ માટે પલાળી રાખો. પછી, સારી રીતે ધોઈ લો.
ભવિષ્યમાં સફેદ પરત જામતી અટકાવવા માટેની ટિપ્સ
નિયમિત સફાઈ: અઠવાડિયામાં એકવાર ડોલ અને ડબલાને લિક્વિડ ડીટરજન્ટથી સાફ કરવાની ટેવ પાડો.
પાણી ખાલી કરવું: વપરાશ પછી ડોલ કે ટબમાં પાણી ભરી ન રાખવું. પાણી ખાલી કરીને તેને ઊંધી વાળી દેવી જેથી પાણીના ટીપાં જામી ન જાય.
સૂકવવું: શક્ય હોય તો વપરાશ બાદ તેને કોરા કપડાથી લૂછી લેવી, જેથી હાર્ડ વોટર (ક્ષારવાળું પાણી) સુકાઈને પરત ન બનાવે.
પ્લાસ્ટિકની ડોલ અને ડબલા પર જામતી સફેદ પરત એ કોઈ મોટી સમસ્યા નથી, પરંતુ તે આપણી સ્વચ્છતાની આદતોને ચોક્કસ અસર કરે છે. બજારમાં મળતા મોંઘા અને કેમિકલયુક્ત ક્લીનર્સ વાપરવાને બદલે રસોડામાં જ રહેલી વસ્તુઓ જેવી કે વિનેગર, બેકિંગ સોડા કે લીંબુનો ઉપયોગ વધુ સુરક્ષિત અને સસ્તો ઉપાય છે. ઉપર દર્શાવેલી ટિપ્સ અપનાવીને તમે તમારા બાથરૂમના પ્લાસ્ટિકના વાસણોને બિલકુલ નવા જેવા ચમકતા રાખી શકો છો અને સાથે જ તેમની લાઈફ પણ વધારી શકો છો.
અસ્વીકરણ: આ લેખમાં આપવામાં આવેલી માહિતી સામાન્ય ઘરગથ્થુ સફાઈના ઉપાયો અને જાહેરમાં ઉપલબ્ધ જાણકારી પર આધારિત છે. વિવિધ પ્રકારના પ્લાસ્ટિક, પાણીની ગુણવત્તા અને ડાઘની સ્થિતિ અનુસાર પરિણામો અલગ હોઈ શકે છે. કોઈપણ નુકસાન, રંગમાં ફેરફાર અથવા અન્ય પરિણામ માટે ખબર ગુજરાત જવાબદાર રહેશે નહીં.
