2025 ICC ચેમ્પિયન્સ ટ્રોફી પર અનિશ્ચિતતા છવાઈ છે કારણ કે પાકિસ્તાનમાં અધૂરાં સ્ટેડિયમ અને સુરક્ષા સંબંધિત ચિંતાઓના કારણે ટુર્નામેન્ટને UAE ખસેડવાની શક્યતા વધી રહી છે.
અધૂરાં સ્ટેડિયમ અને સમયમર્યાદા અંગે ચિંતાઓ
2025 ચેમ્પિયન્સ ટ્રોફી ફેબ્રુઆરી 19થી શરૂ થવાની છે, પરંતુ પાકિસ્તાનમાં આયોજનને લઈને પ્રશ્નચિહ્ન ઉભું થયું છે. લાહોર સહિત અન્ય મુખ્ય શહેરોમાંના સ્ટેડિયમો હજુ અધૂરાં છે. જોકે કેટલાક સ્થળોએ ફ્લડલાઇટ્સ અને બાંધકામના થોડાં સંકેતો દેખાય છે, પણ ગ્રાઉન્ડ રિયાલિટી જુદી છે. અનેક સ્ટેડિયમ આસપાસ મટેરિયલ અને માટી પડેલી હોવાથી તૈયારી અંગે પ્રશ્નો ઉઠી રહ્યા છે.
સુધારાઓ માટે નવા ડેડલાઇનના રૂપે 30 જાન્યુઆરી રાખવામાં આવ્યો છે, પરંતુ હજુ પણ ખૂબ કામ બાકી છે. ઈમારતી માળખાંથી લઈને સુરક્ષા માપદંડોને પૂર્ણ કરવા સુધી અનેક પડકારો છે. તાજેતરમાં ICCની નિરીક્ષણ ટીમ પાકિસ્તાન પહોંચી હતી, પરંતુ કોઈ સત્તાવાર અપડેટ આપવામાં આવ્યું નથી. આ ગુપ્તતાએ ચિંતાઓ વધુ વકરાવી છે.
ICCનું સંકટ: ટુર્નામેન્ટ ખસેડવાની શક્યતા
ટુર્નામેન્ટની શરૂઆતની તારીખ નજીક આવતી જાય છે અને ICC પર નિર્ણય લેવાનો દબાણ વધી રહ્યો છે. આંતરિક સૂત્રો કહે છે કે જો પાકિસ્તાન સમયસર તૈયાર ન થાય તો ટુર્નામેન્ટ UAE ખસેડવાની જરૂર પડે. UAEએ પોતાની તત્પરતા પહેલેથી દર્શાવી છે અને દુબઈ જેવા વર્લ્ડ-ક્લાસ સ્ટેડિયમો ટુર્નામેન્ટ માટે ઉપલબ્ધ છે. ભારતે પણ સુરક્ષા ચિંતાઓને કારણે દુબઈમાં રમવાની ઇચ્છા વ્યક્ત કરી છે.
પાકિસ્તાન માટે મોટી પ્રતિષ્ઠા પર ઓંચાટ
પાકિસ્તાન માટે આ સ્થિતિ બહુ શરમજનક બની છે. સ્ટેડિયમ પૂર્ણ ન થવા અને સુરક્ષા માપદંડો પૂર્ણ ન કરી શકવાની સમસ્યાએ ICCને અહીં ટુર્નામેન્ટ આયોજિત કરવા અંગે શંકામાં મૂક્યું છે. પાકિસ્તાની મીડિયાએ પ્રોપાગાંડા તરીકે ભારતને આ માટે દોષ આપવાનો પ્રયાસ કર્યો છે, પરંતુ વાસ્તવિક કારણ પાકિસ્તાનની બાંધકામ અને સુરક્ષા બાબતો છે.
રાજકીય અને સુરક્ષા પડકારો
ચેમ્પિયન્સ ટ્રોફી અંગેની અનિશ્ચિતતા વચ્ચે પાકિસ્તાનમાં રાજકીય અને સુરક્ષા પરિસ્થિતિ પણ ગંભીર બની છે. PCB પર આંતરરાષ્ટ્રીય ટીમોની સુરક્ષા માટે દબાણ છે, ખાસ કરીને ઈંગ્લેન્ડ, વેસ્ટ ઈન્ડીઝ અને બાંગ્લાદેશ જેવી ટીમોના આગમન પહેલા. ભૂતપૂર્વ પાકિસ્તાની ક્રિકેટર બસિત અલીએ ચેતવણી આપી છે કે જો આ સીરિઝ દરમિયાન સુરક્ષામાં કોઈ ખામી થાય તો પાકિસ્તાનની ગતિશીલતા પર અસર થશે.
બલૂચિસ્તાન અને પેશાવરમાં થયેલી તાજેતરની હિંસાને લઈને ચિંતાઓ વધી રહી છે. જો સરકાર આ આંતરરાષ્ટ્રીય ટીમોની સુરક્ષા માટે સખત પગલા નહીં ભરે તો આ સ્થિતિ ચેમ્પિયન્સ ટ્રોફી માટે નકારાત્મક સાબિત થઈ શકે છે.
આયોજક ICC ટૂંક સમયમાં અંતિમ નિર્ણય લેશે કે ટુર્નામેન્ટ પાકિસ્તાનમાં રહેશે કે UAE ખસેડવામાં આવશે. UAEમાં ટુર્નામેન્ટનું આયોજન ફેન્સ માટે એક નવી અનુકૂળતા પૂરી પાડે તેવી શક્યતા છે. હવે જોવાનું રહેશે કે પાકિસ્તાન સમયસર તૈયાર થાય છે કે નહીં.
ICCના CEOનું રાજીનામું:
મંગળવારે ICCના CEO જેફ એલર્ડાઇસે રાજીનામું આપ્યું છે. વિશ્વ ક્રિકેટ બોર્ડના એક સભ્યના જણાવ્યા અનુસાર, પાકિસ્તાનના તૈયારીઓ અંગે સ્પષ્ટતા ન કરી શકવાના કારણે તેમના રાજીનામાનું કારણ હોઈ શકે છે.
