જામનગર શહેરના મહાપ્રભુજીની બેઠક તરફથી ઠેબા ચોકડી તરફના રસ્તા પરથી સીટી એ ડીવીઝન પોલીસ સ્ટાફે બાતમીના આધારે પસાર થતા બાઈકચોરને ઝડપી લઇ પુછપરછ હાથ ધરી હતી.
બનાવની વિગત મુજબ, જામનગર શહેરમાં મહાપ્રભુજીની બેઠકથી ઠેબા ચોકડી તરફ ચોરાઉ બાઈક સાથે શખ્સ પસાર થવાની એએસઆઇ કે.પી. જાડેજા, પો.કો. ખોડુભા જાડેજાને મળેલી બાતમીના આધારે સીટી એ ડીવીઝનના પીઆઈ એન.એ.ચાવડા, પીએસઆઇ બી.એસ.વાળા, એએસઆઈ કે.પી. જાડેજા, હેકો. દેવાયતભાઈ કાંબરીયા, મહિપાલસિંહ જાડેજા, રવિરાજસિંહ જાડેજા, શૈલેષભાઈ ઠાકરીયા, સુનિલભાઈ ડેર, પો.કો. ખોડુભા જાડેજા, વિજય કાનાણી, રવિભાઈ શર્મા, વિક્રમસિંહ જાડેજા, રાજેન્દ્રસિંહ ડોડિયા અને યોગેન્દ્રસિંહ સોઢા, રાકેશ ચૌહાણ, હિતેશ સાગઠિયા, ઋષિરાજસિંહ જાડેજા સહિતના સ્ટાફે વોચ ગોઠવી હતી. દરમિયાન બાતમી મુજબનો શખ્સ જીજે-23-એફ-8748 નંબરના બાઈક પર પસાર થતા પોલીસે અજય ઉર્ફે ટીપુ મુકેશ પરમાર (રહે. વરુડી તા.કાલાવડ) નામના શખ્સને આંતરી લીધો હતો.
પોલીસે અજય ઉર્ફે ટીપુની પુછપરછ હાથ ધરતા તેની પાસે રહેલું બાઈક ચોરાઉ હોવાની કેફિયત આપતા પોલીસે રૂા.20 હજારની કિંમતના ચોરાઉ બાઈક સાથે શખ્સને ઝડપી લઇ વધુ પૂછપરછ હાથ ધરી હતી.
