જામનગર શહેર અને જિલ્લામાં ચાર સ્થળે જૂગાર દરોડા

જામનગર શહેરના નવાગામ ઘેડ વિસ્તારમાં પોલીસે વર્લી મટકાનો જૂગાર રમતા બે શખ્સોને રૂા.12,430 ના મુદ્દામાલ સાથે ઝડપી લીધા હતાં. જામનગર તાલુકાના દોઢીયા ગામમાં જાહેરમાં તીનપતિનો જૂગાર રમતા પાંચ શખ્સોને પોલીસે રૂા.10,740 ની રોકડ રકમ અને ગંજીપના સાથે ઝડપી લઇ આગળની તપાસ હાથ ધરી હતી. જામનગર શહેરમાં હનુમાન ટેકરી વિસ્તારમાંથી તીનપતિનો જૂગાર રમતા આઠ શખ્સોને રૂા.5060 ની રોકડ રકમ સાથે ઝડપી લીધા હતાં. જામનગર તાલુકાના જાંબુડા ગામમાંથી તીનપતિનો જૂગાર રમતા પાંચ મહિલા સહિત છ શખ્સોને પોલીસે રૂા.2250 ની રોકડ રકમ સાથે ઝડપી લીધા હતાં.

જૂગાર દરોડાની વિગત મુજબ

• પ્રથમ દરોડો જામનગર શહેરના નવાગામ ઘેડ વિસ્તારમાં પોલીસે વર્લી મટકાનો જૂગાર રમતા પ્રદિપ ઉર્ફે ચંદુ કાનજી રાઠોડ, રોહિત વિશાલ શિંગાળા નામના બે શખ્સોને સીટી બી ડીવીઝન પોલીસ સ્ટાફે રેઈડ દરમિયાન રૂા.2430 ની રોકડ રકમ અને રૂા.10 હજારની કિંમતના બે મોબાઇલ મળી કુલ રૂા.12,430 ના મુદ્દામાલ સાથે ઝડપી લઇ આગળની કાર્યવાહી હાથ ધરી હતી.
• બીજો દરોડો, જામનગર તાલુકાના દોઢીયા ગામના પ્લોટ વિસ્તારમાં જાહેરમાં તીનપતિનો જૂગાર રમતા ચંદુ કેશવજી બુસા, મુકેશ ગાંગા પીંગળ, છગન કરશન મુંગરા, રાજેન્દ્રસિંહ મંગુભા જાડેજા, અનિરૂધ્ધસિંહ ગંભીરસિંહ જાડેજા સહિતના પાંચ શખ્સોને સીક્કા પોલીસે રેઈડ દરમિયાન રૂા.10740 ની રોકડ રકમ અને ગંજીપના સાથે ઝડપી લીધા હતાં.
• ત્રીજો દરોડો, જામનગર શહેરના હનુમાન ટેકરી વિસ્તારમાં જાહેરમાં તીનપતિનો જૂગાર રમતા હોવાની બાતમીના આધારે સીટી સી ડીવીઝન પોલીસ સ્ટાફે રેઈડ દરમિયાત પ્રવિણ કરશન બોકાણી, પ્રશાંત હરેશ મકવાણા, કેતન કિશન પરમાર, અજય પ્રવિણ રાઠોડ, યોગેશ નરેશ મકવાણા, મેહુલ મુકેશ સીંગરખીયા, ભરત ભલજી ગલચર, રાહુલ ખીમજી પડાયા નામના આઠ શખ્સોને રૂા.5060 ની રોકડ રકમ અને ગંજીપના સાથે ઝડપી લઇ ગુનો નોંધી વધુ તપાસ હાથ ધરી હતી.
• ચોથો દરોડો, જામનગર તાલુકાના જાંબુડા ગામના નવાપરા વિસ્તારમાં તીનપતિનો જૂગાર રમતા હોવાની બાતમીના આધારે પંચકોશી એ પોલીસ સ્ટાફે રેઈડ દરમિયાન પાંચ મહિલા અને અજય વિનોદ કારવેસા સહિતના છ શખ્સોને રૂા.2250 ની રોકડ રકમ અને ગંજીપના સાથે ઝડપી લીધા હતાં.