Wednesday, April 14, 2021
Homeરાષ્ટ્રીયછતીસગઢના બીજાપુરમાં સુરક્ષાદળો અને નકસલીઓ વચ્ચે અથડામણમાં 3 નકસવાદીઓ ઠાર

છતીસગઢના બીજાપુરમાં સુરક્ષાદળો અને નકસલીઓ વચ્ચે અથડામણમાં 3 નકસવાદીઓ ઠાર

10 દિવસમાં બીજો હુમલો, 5 જવાનો પણ શહિદ

- Advertisement -

છત્તીસગઢના બીજાપુરમાં શનિવારે સુરક્ષાદળો અને નક્સલવાદીઓ વચ્ચે અથડામણ થઈ છે. આ ઘટનામાં 5 જવાન શહીદ થયા છે. આશરે 3 કલાકથી વધારે સમય સુધી ચાલેલી અથડામણમાં કોબરાના 1, બસ્તરિયા બટાલિયનના 2 અને DRGના 2 જવાન શહીદ થયા છે. 3 નક્સલિયો પણ ઠાર કરવામાં આવ્યા છે, જેમાં એક મહિલાનો સમાવેશ થાય છે. આ અથડામણમાં 12 જવાન ઈજાગ્રસ્ત થયા છે. SP કમલ લોચન કશ્યપે આ ઘટનાની પૃષ્ટિ કરી છે.

- Advertisement -

આ ઘટના ઝીરમ હુમલાના માસ્ટરમાઈન્ડ હિડમાના ગામમાં થઈ છે. હુમલો કરનારા નક્સલવાદીઓ આ ટીમના સભ્યો હતા. ઘણા સમયથી આ ગામમાં નક્સલવાદીઓનો જમાવડો થયેલો હતો. આ અંગે માહિતી મળતા જવાનો ત્યાં પહોંચ્યા હતા.

છત્તીસગઢમાં છેલ્લા 10 દિવસમાં બીજી વખત નક્સલવાદીઓ તરફથી હુમલો થયો છે. આ અગાઉ 23 માર્ચના રોજ હુમલામાં પણ 5 જવાન શહીદ થયા હતા. આ હુમલો નક્સલવાદીઓના નારાયણપુરમાં IED બ્લાસ્ટ કરી કરવામાં આવ્યો હતો.

- Advertisement -

તર્રમ પોલીસ સ્ટેશનથી CRPF, DRG, જિલ્લા પોલીસ દળ અને કોબરા બટાલિયનના જવાનો સંયુક્ત રીતે તપાસ કરવા નીકળ્યા હતા. આ સમયે સિલગેરના જંગલમાં નક્સલવાદીઓએ હુમલો કર્યો હતો. આ સંજોગોમાં જવાનોએ પણ જવાબી કાર્યવાહી કરી હતી. જવાનોને રેસ્ક્યુ કરવા માટે હેલિકોપ્ટર મોકલવામાં આવ્યા છે.

બીજી બાજુ, ગંગાલૂર વિસ્તારના ચેરપાલ પાસે મોદીપારામાં CRPF 85 બટાલિયનના જવાનોએ 8 કિલો IED વિસ્ફોટક જપ્ત કર્યાં છે. નક્સલવાદીઓએ તેને જવાનોને નિશાન બનાવવા માટે પ્લાન્ટ કર્યો હતો. આ માટે જવાનોને નિશાન બનાવવાની યોજના ઘડવામાં આવી હતી. બાદમાં અનેક વિસ્ફોટકોનો નાશ કરવામાં આવ્યો છે.

- Advertisement -

10 દિવસ અગાઉ 23 માર્ચના રોજ નક્સલવાદીઓએ નારાયણપુર જિલ્લામાં DRG જવાનોથી ભરેલી બસમાં બ્લાસ્ટ કર્યો હતો. આ ઘટનામાં 5 જવાન શહીદ થયા હતા, જ્યારે 12 ઈજાગ્રસ્ત થયા હતા. બ્લાક સમયે બસમાં 24 જવાન હતા.

- Advertisement -
RELATED ARTICLES
- Advertisment -

Most Popular