જામનગરમાં હાપા નજીકથી એલસીબીએ બાઈકચોરને દબોચી લઇ આગળની કાર્યવાહી હાથ ધરી હતી. જામનગર શહેરના એસ.ટી. રોડ પરથી સિટી એ ડીવીઝન પોલીસે ચોરાઉ બાઈક સાથે તસ્કરને ઝડપી લીધો હતો.
આ અંગેની વિગત મુજબ, જામનગર શહેરમાં હાપા રોડ પરથી ચોરાઉ બાઇક સાથે શખ્સ પસાર થવાની એલસીબીના દિલીપ તલાવડિયા, હિતેન્દ્રસિંહ જાડેજા, કાસમ બ્લોચને મળેલી બાતમીના આધારે પીઆઈ વી.એમ. લગારીયા, પીએસઆઇ આર.કે. કરમટા, પી.એન. મોરી તથા સ્ટાફના સંજયસિંહ વાળા, હરપાલસિંહ સોઢા, ભરતભાઈ પટેલ, નાનજીભાઈ પટેલ, શરદભાઈ પરમાર, દિલીપભાઈ તલવાડિયા, વનરાજભાઈ મકવાણા, ધાનાભાઈ મોરી, હિતેન્દ્રસિંહ જાડેજા, અરજણભાઈ કોડીયાતર, મયુદીનભાઈ સૈયદ, ક્રિપાલસિંહ જાડેજા, કાસમ બ્લોચ, નિર્મળસિંહ જાડેજા, કિશોરભાઈ પરમાર, હરદીપભાઇ બારડ, ઋષિરાજસિંહ વાળા, મયુરસિંહ પરમાર, કલ્પેશભાઈ મૈયડ, ધર્મેન્દ્રસિંહ જાડેજા, દયારામ ત્રિવેદી, બિજલભાઈ બારાસરા, ધર્મેન્દ્રસિંહ જાડેજા, ભારતીબેન ડાંગર સહિતના સ્ટાફે તથા ટીમે જીજે-10-ડીએચ-6669 નંબરના બાઈક પર પસાર થનાર વિશાલ દિનેશ ગોહિલ (રાજકોટ) નામના શખ્સને આંતરીને પૂછપરછ હાથ ધરતાં બાઈક ચોરાઉ હોવાની કેફિયત આપી હતી. જેના આધારે એલસીબીએ બાઈક કબ્જે કરી આગળની કાર્યવાહી હાથ ધરી હતી.
બીજો દરોડો, જામનગરના એસટી ડેપો રોડ પરથી ચોરાઉ બાઈક સાથે શખ્સ પસાર થવાની હેકો શૈલેષ ઠાકરીયા અને પો.કો. હિતેશ સાગઠીયાને મળેલી બાતમીના આધારે પીઆઈ એન.એ.ચાવડા, હેકો. નરેન્દ્રસિંહ ઝાલા, દેવાયતભાઈ કાંબરીયા, મહિપાલસિંહ જાડેજા, રવિરાજસિંહ જાડેજા, શૈલેષભાઈ ઠાકરીયા, સુનિલભાઈ ડેર, પો.કો. ખોડુભા જાડેજા, વિજય કાનાણી, રવિભાઈ શર્મા, વિક્રમસિંહ જાડેજા, રાજેન્દ્રસિંહ ડોડિયા અને યોગેન્દ્રસિંહ સોઢા, રાકેશ ચૌહાણ, હિતેશ સાગઠિયા, ઋષિરાજસિંહ જાડેજા સહિતના સ્ટાફે વોચ ગોઠવી જય માતાજી હોટલ સામે આવેલી ભગવતી હોસ્પિટલ પાસે રહેલા હરદેવસિંહ ગંભીરસિંહ ઝાલા (રહે. જામનગર) નામના શખ્સને આંતરીને તેની પાસે રહેલા 30 હજારની કિંમતના જીજે-10-સીબી-1394 નંબરના બાઈકના દસ્તાવેજો માંગતા આ બાઈક ચોરાઉ હોવાનું જણાતા પોલીસે બાઈક કબ્જે કરી આગળની તપાસ હાથ ધરી હતી.
