જામનગર મહાનગર પાલિકાની 64 બેઠકોનું પરિણામ સ્પષ્ટ થઇ ગયું છે. શહેરમાં ભાજપની 64, કોંગ્રેસની 11, જયારે સૌ પ્રથમ વખત બહુજન સમાજવાદી પાર્ટીની 3 બેઠકો આવી છે. જે ગુજરાતની 6 મનપા પૈકીની 3 બેઠકો છે. તો જામનગરની સૌથી નાની ઉંમરના ચૂંટાયેલ ઉમેદવાર હોય તો તે વોર્ડ નં-6ના બહુજન સમાજવાદી પાર્ટીના. જેની ઉંમર માત્ર 23 જ વર્ષ છે જયારે સૌથી મોટી ઉંમરના કોંગ્રેસના ઉમેદવાર છે જેની ઉંમર 65 વર્ષ છે.
જામનગરનો વોર્ડ નં-6 જે ભાજપનો ગઢ ગણાતો હતો. જેની આ વખતે દિશા બદલાઈ ગઈ છે. આ વોર્ડ માં બહુજન સમાજવાદી પાર્ટીના 3 ઉમેદવારો ચૂંટાઈ આવ્યા છે. અને એક ભાજપના ઉમેદવાર ચૂંટાયા છે. જામનગરના તમામ 64 ઉમેદવારો પૈકી જે સૌથી નાની ઉંમરના ઉમેદવાર છે તે છે વોર્ડ નં-6ના રાહુલ રાયધનભાઈ બોરીચા. જેની ઉંમર છે 23 વર્ષ અને સોફ્ટવેર ઈજનેરનો અભ્યાસ કરે છે.આ યુવા ચહેરાને જામનગરની વોર્ડ નં-6ની જનતાના કર્યો કરવાનો મોકો મળ્યો છે.
જામનગરના ચૂંટાઈ આવેલ 64 ઉમેદવારો પૈકી સૌથી મોટી ઉંમરના ઉમેદવાર હોય તેઓ તે છે વોર્ડ નં-1માંથી ચૂંટાઈ આવેલ કોંગ્રેસના કાસમભાઈ જીવાભાઈ જાખીયા જેની ઉંમર છે 65 વર્ષ. આ વોર્ડમાં કોંગ્રેસની પેનલને લોકોએ વિજેતા બનાવી છે.
જામનગરના 64 ઉમેદવારો પૈકી યુવા ઉમેદવારોમાં રાહુલ બોરીચા પછી જો કોઈનું સ્થાન આવતું હોય તો તે છે ભાજપના વોર્ડ નં-2ના કૃપાબેન આલાભાઈ ભારાઈ અને પૂર્વ મેયર હસમુખ જેઠવાના પુત્ર પાર્થ હસમુખભાઈ જેઠવા આ બંને વિજયી ઉમેદવારોની ઉંમર 26 વર્ષ છે.