Tuesday, May 21, 2024
Homeઆંતરરાષ્ટ્રીયસૂર્યગ્રહણ : અમેરિકા, મેકિસકોમાં છવાયું અંધારૂં

સૂર્યગ્રહણ : અમેરિકા, મેકિસકોમાં છવાયું અંધારૂં

અમેરિકામાં 400 કપલે કર્યા લગ્ન : કેનેડામાં ‘બ્લેકઆઉટ’ જોવા સવારે 5 વાગ્યાથી લોકો કતારમાં

- Advertisement -

અમેરિકા, કેનેડા અને મેક્સિકોના લોકો ગઇકાલે બપોરે આકાશમાં અચાનક અદૃશ્ય થઈ જતાં લોકો સ્તબ્ધ થઈ ગયા હતા. દેશના ઘણા ભાગો લગભગ 4 મિનિટ સુધી અંધારામાં ડૂબેલા રહ્યા. હકીકતમાં, સોમવારે ઉત્તર અમેરિકામાં પૂર્ણ સૂર્યગ્રહણને કારણે મેક્સિકો, અમેરિકા અને કેનેડામાં આકાશ અંધારૂં થઈ ગયું હતું. કુલ સૂર્યગ્રહણ કેટલાક સ્થળોએ 4 મિનિટ, 28 સેક્ધડ સુધી ચાલ્યું હતું.

- Advertisement -

મેક્સિકોના પ્રશાંત તટ પર બપોરે 2 વાગ્યે સૂર્યગ્રહણનો નજારો જોવા મળ્યો હતો. આ પછી, તે ખંડીય ઉત્તર અમેરિકામાંથી પસાર થયું અને કેનેડા થઈને એટલાન્ટિક કિનારે સમાપ્ત થયું. દક્ષિણ પેસિફિકમાં કુલ સૂર્યગ્રહણ દરમિયાન, ચંદ્ર પૃથ્વી અને સૂર્ય વચ્ચે સંપૂર્ણપણે સીધી રેખામાં આવે છે.

અમેરિકામાં લાખો લોકોએ સૂર્યગ્રહણ જોયું. પહેલા ટેક્સાસમાં પ્રવેશ કર્યો. સ્થાનિક સમય અનુસાર, સૂર્યગ્રહણ દક્ષિણ ટેક્સાસમાં બપોરે શરૂ થયું અને ઉત્તર મેઈનમાં સમાપ્ત થયું. એક આંકડા અનુસાર, અમેરિકા, કેનેડા અને મેક્સિકોમાં લગભગ 4.4 કરોડ લોકોએ સૂર્યગ્રહણ જોયું.

- Advertisement -

જો અમેરિકાની વાત કરીએ તો અહીં વર્ષ 2044 સુધી પૂર્ણ સૂર્યગ્રહણ નહીં થાય. અમેરિકામાં, લગભગ 12 રાજયો સૂર્યગ્રહણના માર્ગમાં પડ્યા, જયાં 4.28 મિનિટ સુધી સૂર્યગ્રહણનો નજારો જોવા મળ્યો અને સંપૂર્ણ અંધારૂં છવાઈ ગયું. નોંધનીય છે કે ભારતમાં સૂર્યગ્રહણ જોવા મળ્યું ન હતું કારણ કે અહીં રાતનો સમય હતો. તે જ સમયે, વિશ્વના લગભગ 54 દેશોમાં આંશિક સૂર્યગ્રહણ જોવા મળ્યું હતું.

અમેરિકાના ચકટો સમુદાયની મહિલાઓ ગ્રહણ દરમિયાન ઘરની બહાર આવી અને વાસણો વગાડયા. હકીકતમાં, તેમના સમુદાયમાં એવી માન્યતા છે કે ગ્રહણ દરમિયાન, એક મોટી અને કાળી ખિસકોલી સૂર્યને ખાય છે. ખિસકોલીને ભગાડવા માટે લોકોએ વાસણો વગાડે છે. અમેરિકાના અરકાનસાસમાં સૂર્યગ્રહણ દરમિયાન 400 યુગલોએ લગ્ન કર્યા હતા.

- Advertisement -

વર્ષનું પ્રથમ સૂર્યગ્રહણ પૂર્ણ થયું છે. આ સૂર્યગ્રહણ 50 વર્ષ પછીનું સૌથી લાંબુ ગ્રહણ હતું જે લગભગ 5 કલાક અને 25 મિનિટ સુધી ચાલ્યું હતું.અમેરિકાના ઈલિનોઈ રાજયના કાર્બોન્ડેલ ખાતેથી સંપૂર્ણ સૂર્યગ્રહણ જોવા મળ્યું હતું.અમેરિકાના ડલ્લાસમાં પણ સંપૂર્ણ સૂર્યગ્રહણ જોવા મળ્યું હતું. અમેરિકાના મેઈન રાજયના હોલ્ટન શહેરમાં સંપૂર્ણ સૂર્યગ્રહણ જોવા મળ્યું હતું.

મેક્સિકોમાં ગઇકાલે સવારે 11 વાગ્યે (ભારતીય સમય મુજબ સોમવારે રાત્રે લગભગ 10 વાગ્યે) સૂર્યગ્રહણ શરૂ થયું હતું. આ ગ્રહણ સૌપ્રથમ મેક્સિકોમાં 603 કિલોમીટરમાં ફેલાયેલા ઈસ્લા સોકોરો દ્વીપમાં પ્રવેશ્યું હતું. ત્યાં સંપૂર્ણ અંધકાર હતો. આ પછી વર્ષનું પહેલું સૂર્યગ્રહણ અમેરિકા થઈને કેનેડા પહોંચ્યું. તે જ સમયે, 54 દેશોમાં આંશિક સૂર્યગ્રહણ થયું. સૂર્યગ્રહણની કોઈ અસર ભારતમાં દેખાઈ ન હતી, કારણ કે જયારે ગ્રહણ શરૂ થયું ત્યારે અહીં રાત હતી.

- Advertisement -
RELATED ARTICLES
- Advertisment -

Most Popular