જામનગર શહેરના ખંભાળિયા નાકા બહારના કિશાન ચોક વિસ્તારમાં જાહેરમાં વર્લીમટકાના આંકડા લખી પૈસાની હારજીત કરતા બે શખ્સોને પોલીસે રૂા.7480ના મુદ્દામાલ સાથે ઝડપી લઇ આગળની કાર્યવાહી હાથ ધરી હતી. જામનગરના હાપામાંથી તીનપતિનો જૂગાર રમતા ચાર શખ્સોને પોલીસે રૂા.4580 ની રોકડ રકમ સાથે ઝડપી લીધા હતાં.
જૂગાર દરોડાની વિગત મુજબ, પ્રથમ દરોડો જામનગર શહેરના ખંભાળિયા નાકા બહારના કિશાન ચોક વિસ્તારમાં જાહેરમાં વર્લીમટકાના આંકડા લખી પૈસાની હારજીત કરતા ધવલ કિશોર નંદા, અંકિત કેતન નંદા નામના બે શખ્સોને સીટી એ ડીવીઝન પોલીસ સ્ટાફે રેઈડ દરમિયાન રૂા.1980 ની રોકડ રકમ અને રૂા.5500 ની કિંમતના બે મોબાઇલ ફોન મળી કુલ રૂા.7480 ના મુદ્દામાલ સાથે ઝડપી લઇ આગળની કાર્યવાહી હાથ ધરી હતી. બીજો દરોડો જામનગર તાલુકાના હાપાખારી વિસ્તારમાં જાહેરમાં તીનપતિનો જૂગાર રમતા મુકેશ નરશી સાલાણી, સંજય નાનજી ઝીંઝુવાડિયા, રવિ ઉર્ફે પુલ્લુ સંતોષ ઠાકુર અને પ્રશાંત કિશોર રણોલીયા નામના ચાર શખ્સોને પંચકોશી એ ડીવીઝન પોલીસ સ્ટાફે રેઈડ દરમિયાન રૂા.4580 ની રોકડ રકમ અને ગંજીપના સાથે ઝડપી લઇ આગળની કાર્યવાહી હાથ ધરી હતી.
