રિંકુ સિંહ, જેઓ ભારતીય ક્રિકેટ ટીમના લોકપ્રિય બેટ્સમેન છે, તેમણે ઉત્તર પ્રદેશની યુવતી અને સમાજવાદી પાર્ટીની સાંસદ પ્રિયા સરોજ સાથે સગાઈ કરી છે. આ માહિતી સોશિયલ મીડિયામાં ઝડપથી ફેલાઈ રહી છે, અને ચાહકો તરફથી તેમને શુભેચ્છાઓ મળી રહી છ.
કોણ છે પ્રિયા સરોજ?
પ્રિયા સરોજ, જેઓ માત્ર 25 વર્ષની વયે લોકસભાની સાંસદ બની, ઉત્તર પ્રદેશના મછલીશહર લોકસભા ક્ષેત્રનું પ્રતિનિધિત્વ કરે છે. તેઓ સમાજવાદી પાર્ટીની પ્રભાવી નેતા છે અને અત્યાર સુધી લોકસભામાં અનેક મહત્વપૂર્ણ મુદ્દાઓ પર અવાજ ઉઠાવ્યો છે. પ્રિયા સરોજના પિતા તૂફાની સરોજ પણ ત્રણ વખત સાંસદ રહી ચૂક્યા છે, અને તેઓનો રાજકીય વારસો પ્રિયા સરોજએ આગળ વધાર્યો છે.
પ્રિયા સરોજ માત્ર રાજકારણમાં જ નહીં, પરંતુ શૈક્ષણિક જીવનમાં પણ ઉત્કૃષ્ટ રહી છે. તેમણે દિલ્હી યુનિવર્સિટીમાંથી વકીલાત પૂર્ણ કરી છે અને સુપ્રીમ કોર્ટમાં પ્રેક્ટિસ કરી છે.
Rinku Singh gets engaged to Samajwadi Party MP Priya Saroj. 💍
– Many congratulations to them! ❤️ pic.twitter.com/7b7Hb0D2Em
— Mufaddal Vohra (@mufaddal_vohra) January 17, 2025
રિંકુ સિંહ: ભારતીય ક્રિકેટના તેજતારા
રિંકુ સિંહ ભારતીય ક્રિકેટ ટીમના એવા બેટ્સમેન છે જેનાથી ટીમના ચાહકોને ઘણી આશાઓ છે. ડાબા હાથે બેટિંગ કરનાર રિંકુએ T20 આંતરરાષ્ટ્રીય મેચોમાં પોતાના શાનદાર પ્રદર્શનથી જગતનું ધ્યાન ખેંચ્યું છે.
- 30 T20 મેચોમાં 507 રન (46ની સરેરાશ અને 160થી વધુનો સ્ટ્રાઈક રેટ).
- IPL 2025 માટે કોલકાતા નાઇટ રાઈડર્સે તેમને ₹13 કરોડમાં રિટેન કર્યું છે.
- તેમના અનોખા બેટિંગ શૈલીને કારણે તેઓ આગામી દશકાનું ભવિષ્ય મનાય છે.
સગાઈની ઉજવણી અને પરિવારના સંદેશા
સગાઈની ઉજવણીના અવસર પર બંને પરિવારના સભ્યો હાજર રહ્યા હતા. પ્રિયા સરોજના પિતા તૂફાની સરોજ અને રિંકુના પરિવારજનો વચ્ચે ઉત્સવનો માહોલ હતો. રિંકુના મેનેજર અર્જુન સિંહે જણાવ્યું કે આ સગાઈ બંને પરિવારો માટે એક મહત્વપૂર્ણ તબક્કો છે. સગાઈ પછી હવે બંને પરિવાર લગ્ન માટેની તૈયારીમાં વ્યસ્ત છે. હજી સુધી લગ્નની તારીખ જાહેર થઈ નથી, પરંતુ અભ્યાસથી મળેલી માહિતી અનુસાર આ ગ્રાન્ડ લગ્ન ઉત્તર પ્રદેશમાં યોજાવાની શક્યતા છે.
રિંકુ અને પ્રિયાના ચાહકોમાં ઉત્સાહ
રિંકુ સિંહ અને પ્રિયા સરોજની જોડી ચાહકોમાં ઘણી લોકપ્રિય બની છે. ક્રિકેટ અને રાજકારણના આ અનોખા સમન્વયે ચાહકોના હૃદય જીતી લીધા છે.
આ સગાઈ તેમના જીવનમાં નવું અધ્યાય શરૂ કરતી સાબિત ઈ છે. તેમની આ સુદર શરૂઆત માટે અનેક શુભેચ્છાઓ!