આજે ગુજરાતની તમામ નગરપાલિકા, જીલ્લા પંચાયત અને તાલુકા પંચાયતની ચૂંટણીઓના પરિણામ જાહેર થયા છે. રાજ્યમાં મહાનગર પાલિકાની ચૂંટણીઓની જેમ આ ચૂંટણીઓમાં પણ ભાજપનો ભગવો લહેરાયો છે. ફરી વખત કોંગ્રેસે કારમી હારનો સામનો કરવો પડ્યો છે. ત્યારે મોડાસા નગરપાલિકાની ચુંટણીમાં કોંગ્રેસનું વિપક્ષ પદ પણ છીનવાયુ છે. અને ઓવૈસીએ બાજી મારી છે.
અરવલ્લી જીલ્લાની મોડાસા નગરપાલીકાની ચૂંટણીના પરિણામો જાહેર થયા છે. મોડાસા નગરપાલિકાની કુલ કુલ 36 બેઠકમાંથી 19 બેઠક ભારતીય જનતા પાર્ટીએ જીતી છે જયારે 9 બેઠક પર ઓવૈસી અને 8 બેઠક પર કોંગ્રેસનો વિજય થયો છે. ઓવૈસીએ 12 બેઠક પર ઉમેદવારને ઉભા રાખ્યા હતા. જેમાંથી 9 બેઠક પર ઓવૈસીની જીત થઇ છે. અને કોંગ્રેસ કરતા વધુ બેઠક તેના ફાળે આવી હોવાથી અહીં વિપક્ષ પાર્ટી ઓવૈસી બની છે.
વોર્ડ -6: શાહીદહુસેન મનસુરહુસેન બેલીમ
વોર્ડ -7: તબસ્સુમબાનું મુસ્તુફાભાઇ જેથરા
વોર્ડ -7: નસીમબાનું મુસ્તુફામીયાં મલેક
વોર્ડ -7: સીકંદરભાઇ યાકુબભાઇ સુથાર
વોર્ડ -7: મોહંમદ રફીક ઐયુબમીયા શેખ
વોર્ડ -8: ફાતમાબેન મસલીમ ભાયલા
વોર્ડ -8: જાહેદાબેન જાકીરહુસેન કાંકરોલિયા
વોર્ડ -8: મહમંદ સોએબ મુસાભાઇ જેથરા
વોર્ડ -8: બુરહાનુદ્દીન ઇસ્માઇલભાઇ ચગન
મોડાસા નગરપાલિકાના વોર્ડ નં-7 અને વોર્ડ નં-8માં ઓવૈસીની પેનલ આવી છે. જયારે વોર્ડ નં6 માંથી એક ઉમેદવારની જીત થઇ છે. અને કોંગ્રેસનું વિપક્ષ પદ છીનવાયુ છે.
