જામખંભાળિયાના માર્કેટિંગ યાર્ડમાં આજથી મગફળી ઉતારવામાં નહીં આવે

દેવભૂમિ દ્વારકા જિલ્લામાં સૌથી મોટા તથા સુવ્યવસ્થિત રીતે ચાલતા ખંભાળિયાના માર્કેટિંગ યાર્ડમાં હાલ શિયાળુ જણસની વ્યાપક પ્રમાણમાં આવક થઈ રહી છે. આ વખતે મગફળીનો મતલબ પાક ઉતર્યો હોય, અહીંના માર્કેટિંગ યાર્ડમાં મગફળીની આવક વધતા માર્કેટિંગ યાર્ડના સંચાલકો દ્વારા આજરોજ બુધવારે સાંજથી બીજી સુચના ન અપાય ત્યાં સુધી મગફળીની ઉતરાય બંધ કરવાનો નિર્ણય લેવામાં આવ્યો છે. ખંભાળિયાના માર્કેટિંગ યાર્ડમાં મગફળી ઉપરાંત કપાસની પણ વિપુલ પ્રમાણમાં આવક છે. જેમાં ગઈકાલે 322 ક્વિન્ટલ આવક થઈ હતી. આ સાથે ચણા, સોયાબીન, સીંગદાણા, અડદ અને મગની પણ અહીંના યાર્ડમાં નિયમિત આવક થાય છે. હાલ સૌથી વધુ આવક મગફળી અને કપાસની છે તેમ યાર્ડના સેક્રેટરી ભાવેશ જોગલની યાદીમાં જણાવ્યું છે.