જામનગર મહાનગર પાલિકા દ્વારા ઇ-બસ સેવાનો પ્રારંભ કરવામાં આવનાર છે. જે માટે બસ રૂટ ઉપર ટ્રાયલ રન (ટેસ્ટ રાઇડ) હાથ ધરવામાં આવી છે. ઇ-બસને શહેરના વિવિધ માર્ગો ઉપર ચલાવી આ અંગે ટ્રાયલ કરી વિવિધ મુદાઓ અંગે ચકાસણી કરવામાં આવી હતી.
પર્યાવરણને અનુકુળ અને ઇંધણને બચત કરતી જાહેર પરીવહન વ્યવસ્થા અમલમાં મુકવા વડાપ્રધાન દ્વારા પ્રારંભ કરવામાં આવ્યો છે. ત્યારે જામનગરને સરકાર દ્વારા 50 ઇ-બસો ફાળવવામાં આવી હતી. જે પૈકીની 25 ઇ-બસો માર્ચ મહિનામાં જ જામનગર પહોંચી ગઇ હતી. ત્યારે આ બસો હવે જામનગરના રાજમાર્ગો ઉપર દોડતી થશે જામનગર શહેરના 11 અલગ-અલગ રૂટ ઉપર દોડાવવાની યોજના છે. જેને લઇ જામનગર મહાનગરપાલિકા દ્વારા આ ઇ-બસના રૂટ ઉપર પણ ટ્રાયલ શરૂ કરી દેવામાં આવી છે. જામનગરમાં આ બસોનું સંચાલન માટે હાપા માર્કેટીંગ યાર્ડ નજીક અત્યધુનિક સીટી બસ ડેપો પણ તૈયાર કરવામાં આવ્યો છે.
View this post on Instagram
જામનગર મહાનગરપાલિકા તથા જામનગર જનમાર્ગ ફાઉન્ડેશન દ્વારા પીએમ ઇ-બસ સેવા અંતર્ગત શહેરમાં ચાલનાર ઇલેકટ્રીક સીટી બસ સેવા ટુંક સમયમાં શહેરમાં ચાલતી જોવા મળશે. આ માટે તંત્ર દ્વારા તમામ બસ રૂટ ઉપર સેવાના સફળ અને સુવ્યવસ્થીત સંચાલન માટે ટ્રાયલ રન હાથ ધરવામાં આવ્યું હતું. આ ટ્રાયલ રન દરમિયાન બસોના રૂટ, સમય પત્રક, બસ સ્ટોપની સુવિધાઓ, ટ્રાફીકની સ્થિતી તેમજ સમગ્ર સીટી બસ નેટવર્કના અસરકારક સંચાલનનું મુલ્યાંકન કરવામાં આવી રહ્યું છે.
