Friday, March 29, 2024
Homeરાષ્ટ્રીયડેલ્ટા વેરિએન્ટના કેસો, એક જ સપ્તાહમાં બમણાં થયાં

ડેલ્ટા વેરિએન્ટના કેસો, એક જ સપ્તાહમાં બમણાં થયાં

દોઢ વર્ષમાં પ્રથમ વખત કેસોમાં આટલો વધારો: સરકાર

- Advertisement -

કોરોનાના કેસો ઘટી રહ્યા છે, પરંતુ વાયરસના ડેલ્ટા વેરિએન્ટ વિશે ઈન્સાકોનો રિપોર્ટ ચિંતા વધારી રહ્યો છે. રિપોર્ટમાં કહેવામાં આવ્યું છે કે, ડેલ્ટા વેરિઅન્ટના કેસો દેશમાં એક અઠવાડિયામાં બમણા થઈ ગયા છે. ડેલ્ટા પ્લસ સાથે સંકળાયેલ ગંભીર વેરિઅન્ટ છે. ડેલ્ટા વેરિએન્ટમાં પણ 21 ટકાનો વધારો થયો છે. દોઢ વર્ષમાં પ્રથમ વખત ડેલ્ટા વેરિએન્ટમાં આટલો વધારો થયો છે. આરોગ્ય મંત્રાલયે રાજ્યોને તહેવારોને લઈને સતર્ક રહેવાની સલાહ આપી છે.

રિપોર્ટ અનુસાર, દેશમાં 6 સપ્ટેમ્બર સુધી 86,188 નમૂનાઓનું જીનોમ સિક્વન્સિંગ કરવામાં આવ્યું છે. આમાંથી 42,833 નમૂનાઓને ડેલ્ટા વેરિઅન્ટ મળ્યું છે. ઓગસ્ટ સુધી, માત્ર 21,449 નમૂનાઓ મળ્યા હતા. દેશમાં અત્યાર સુધી, ડેલ્ટા વેરિઅન્ટમાં વાયરસ 25 વખત પરિવર્તિત થયો છે. આ તમામ પરિવર્તનને ડેલ્ટા પ્લસની શ્રેણીમાં રાખવામાં આવ્યા છે.

દેશમાં સતત બીજા દિવસે કોરોનાના નવા કેસોમાં ઘટાડો થયો છે. છેલ્લા એક દિવસમાં 27 હજાર લોકોને ચેપ લાગ્યો છે. છેલ્લા એક દિવસમાં કોરોના વાયરસના 27,254 નવા કેસ નોંધાયા છે અને 219 લોકોના મોત થયા છે.

કોરોના મહામારીના ત્રીજા મોજાના ભય વચ્ચે, કેન્દ્ર સરકારે ઝડપથી વધી રહેલા વાયરલ તાવ અંગે એલર્ટ જારી કર્યું છે. સરકારે તમામ રાજ્યોને ડેન્ગ્યુ જેવા વેક્ટર રોગોની રોકથામ માટે ગતિવિધિઓ પર ભાર મૂકવા માટે લખ્યું છે.
રાજ્યોમાં રસીના સંગ્રહમાં અછત હાલમાં રસીકરણ માટે રાજ્યો પાસે સંગ્રહમાં 4.90 કરોડ ડોઝ હાજર છે, જે છેલ્લા 15 દિવસની તુલનામાં સૌથી ઓછો છે. જો કે, આરોગ્ય મંત્રાલયે સોમવારે 8.25 લાખ ડોઝનું નવું ક્ધસાઇનમેન્ટ બહાર પાડવાની પુષ્ટિ કરી છે. મંત્રાલય દ્વારા આ મહિને અત્યાર સુધીમાં રાજ્યોને પાંચ કરોડથી વધુ ડોઝ ઉપલબ્ધ કરાવવામાં આવ્યા છે.

- Advertisement -
RELATED ARTICLES
- Advertisment -

Most Popular