Thursday, August 18, 2022
Homeરાજ્યજામનગરવિડીયો : બ્રહ્મદેવ સમાજ દ્રારા પરશુરામ જન્મોત્સવની ત્રિદિવસીય ઉજવણી અંતર્ગત બાઈક રેલી...

વિડીયો : બ્રહ્મદેવ સમાજ દ્રારા પરશુરામ જન્મોત્સવની ત્રિદિવસીય ઉજવણી અંતર્ગત બાઈક રેલી યોજાઈ

- Advertisement -

બ્રહ્મદેવ સમાજ ગુજરાત-જામનગરની ટીમ દ્વારા ભગવાન પરશુરામ જન્મોત્સવની ત્રીદિવસીય ઉજવણીના ભાગરૂપે બાઈક રેલી, પરશુરામ ગાથા, વકૃત્વ સ્પર્ધા, રાસ-ગરબા સહીતના કાર્યકમોનુ આયોજન કરવામાં આવ્યુ છે.

- Advertisement -

પરશુરામ જન્મોત્સવની ઉજવણીનો પ્રારંભ બાઈક રેલીથી થયો હતો. બાઈક રેલી ભીડભંજન મહાદેવ મંદિરથી શરૂ થઈ સાતરસ્તા સર્કલ, રણજીતનગર હવાઈચોક, ચાંદીબજાર, બેડીગેઈટ, પંચેશ્વર ટાવર થઈને ભીડભંજન મહાદેવ મંદિરે પુર્ણ થઇ હતી. આ બાઈક રેલીમાં બ્રહ્મસમાજના આશરે 500થી વધુ યુવાનો-મહિલાઓ જોડાયા હતા. બાઈક રેલીની સાથે 20 જેટલા યુવાનો સ્કેટીંગ કરતા રેલીમાં આગળ લીડ કરતા જોડાયા હતા. બાઈક રેલીમાં બ્રહ્મદેવ સમાજ રાજકોટના 30 જેટલા યુવાનો એ તલવાર બાજી કરતબ રજુ કર્યા હતા. આ તકે બ્રહ્મદેવ સમાજના રાષ્ટ્રીય મહાસચિવ મિલનભાઈ શુકલ, પ્રદેશ યુવા પ્રમુખ નીજર જોશી, પ્રદેશ યુવા પ્રભારી વિરલભાઈ ભારદ્રાજ, પ્રદેશ અગ્રણી સમીરભાઈ પંડયા સહીતના બ્રહ્મસમાજના અગ્રણીઓ ઉપસ્થિત રહ્યા હતા.

- Advertisement -

જામનગરમાં સૌપ્રથમ વખત ભગવાન પરશુરામ ગાથાનું આયોજન કરવામાં આવ્યું છે. ભગવાન પરશુરામ ગાથા પ્રારંભ કેવી રોડ પર આવેલી દયાશંકર બ્રહ્મપુરીમાં આજે બપોરે 4:00 કલાકે થશે. જે બે દિવસ ચાલનારી ગાથાની પૂર્ણાહૂતિ 02/05/22 સાંજે 7:00 કલાકે થશે. આ સાથે વકૃત્વ સ્પર્ધાનુ આયોજન કરવામાં આવ્ય છે. જે નાના બાળકોથી લઈને કોઈ પણ ઉમરના લોકો ભાગ લઈ શકશે. ભગવાન પરશુરામના વિષય પર આ સ્પર્ધા યોજાશે. અને બાળકો માટે ફેન્સી ડ્રેસ સ્પર્ધા આજે સાંજે 7:00 કલાકે યોજાશે. જેમાં માત્ર ભારતીય સંસ્કૃતિને અનુરૂપ વેશપરીધાન કરીને બાળકો ભાગ લેશે. સમસ્ત બ્રહ્મસમાજ પરીવાર માટે રાસ ગરબાનુ તા.02/05/22 સોમવાર રાત્રે 9:00 કલાકે દયાશંકર બ્રહ્મપુરીમાં રાખવામાં આવ્યા છે.

તા.01/05/22 અને 02/05/22 બંને દિવસે સાંજે 7:30 કલાકે ભગવાન પરશુરામજીની મહાઆરતીનું આયોજન કરવામાં આવ્યું છે.

- Advertisement -

અખાત્રીજના પાવન દિવસે ભગવાન પરશુરામ જન્મોત્સવ તા.03ના રોજ સવારે 8:00 કલાકે દયાશંકર બ્રહ્મપુરીમાં મહાયજ્ઞ તેમજ બપોરે 12:30 કલાકે દયાશંકર બ્રહ્મપુરીમાં મહાપ્રસાદનું આયોજન કરવામાં આવ્યું છે.

આ ત્રિદિવસીય વિવિધ કાર્યકમમાં સૌરાષ્ટ્ર કચ્છ સમસ્ત બ્રહ્મસમાજ જામનગર સંપૂર્ણપણે સાથ સહકારથી જોડાશે. તેમજ જામનગર બ્રહ્મણોની વિવિધ સંસ્થાઓ, પેટાજ્ઞાતિ, ધટકો, અગ્રણી, સહીત બ્રહ્મસમાજ એકતા દર્શાવીને એક જુથ થઈને કાર્યકમમાં જોડાશે.

- Advertisement -
RELATED ARTICLES
- Advertisment -

Most Popular