પ્રેમ સંબંધનો ખાર રાખી ધ્રાફા ગામમાં યુવાન ઉપર હુમલો

જામજોધપુરના ધ્રાફા ગામે પ્રેમસંબંધના મનદુ:ખમાં યુવાન ઉપર હથિયારો જીવલેણ હુમલો કરવામાં આવ્યો હોવા અંગે એક શખ્સ વિરૂધ્ધ શેઠવડાળા પોલીસ સ્ટેશનમાં ફરિયાદ નોંધાઈ છે.

આ અંગેની વિગત મુજબ, મુળ અમદાવાદના ધોલેરા તાલુકાના અને હાલ જામજોધપુર તાલુકાના ધ્રાફા ગામમાં રહેતાં સુરેશભાઈ ગોબરભાઈ બારૈયા એ શેઠવડાળામાં નોંધાવેલ પોલીસ ફરિયાદમાં જણાવ્યું છે કે ફરિયાદીના નાનાભાઇ વિપુલભાઈ ગોબરભાઈ બારેયાએ આરોપી અરવિંદ પ્રેમજી પરમારની પુત્રી સાથે પ્રેમ સંબંધ હોય તે ગમતુ ન હોય, વિપુલ તથા યુવતીને આરોપી એક સાથે જોઇ જતા તિક્ષ્ણ હથિયારો વડે વિપુલ ઉપર મારી નાખવાના ઈરાદે હુમલો કર્યો હતો. અને માથામાં તથા હાથ અને પગમાં ગંભીર ઈજાઓ પહોંચાડી હતી આ અંગે સુરેશભાઈ દ્વારા શેઠવડાળા પોલીસ સ્ટેશનમાં અરવિંદ પ્રેમજી પરમાર વિરૂધ્ધ ફરિયાદ નોંધાવતા પોલીસ દ્વારા વધુ તપાસ હાથ ધરવામાં આવી છે.