જામજોધપુર તાલુકાના સીદસર ગામની પાવ સીમમાં આવેલા ખેતરમાં બહારથી માણસો બોલાવી તીનપતિનો જૂગાર રમાડાતો હોવાની બાતમીના આધારે એલસીબીની ટીમે રેઈડ દરમિયાન સાત શખ્સોને રૂા.2.15 લાખની રોકડ અને રૂા.25 હજારની કિંમતનું બાઈક તથા રૂા.25,500 ની કિંમતના 6 નંગ મોબાઇલ મળી કુલ રૂા.2,65,500 ના મુદ્દામાલ સાથે ઝડપી લીધા હતાં. જામનગર તાલુકાના દરેડ ગામમાં નદીના કાંઠે જાહેરમાં તીનપતિનો જૂગાર રમતા છ શખ્સોને રૂા.4670 ની રોકડ અને ગંજીપના સાથે ઝડપી લઇ આગળની કાર્યવાહી હાથ ધરી હતી.
જૂગાર દરોડાની વિગત મુજબ, જામજોધપુર તાલુકાના સીદસર ગામની પાવ સીમમાં આવેલી આશિષ મકવાણા નામનો શખ્સ તેની ખેતરમાં બહારથી માણસો બોલાવી તીનપતિનો જૂગાર રમાડતો હોવાની એલસીબીના રાકેશ ચૌહાણ, વનરાજ મકવાણા, કિશોર પરમારને મળેલી બાતમીના આધારે જિલ્લા પોલીસવડા પ્રેમસુખ ડેલુની સૂચનાથી એલસીબીના પીઆઇ કે.કે. ગોહિલ સૂચનાથી પીએસઆઈ આર.બી.ગોજિયા તથા સ્ટાફના સંજયસિંહ વાળા, હરપાલસિંહ સોઢા, અશ્ર્વિનભાઈ ગંધા, ભરતભાઈ પટેલ, નાનજીભાઈ પટેલ, શરદભાઈ પરમાર, દિલીપભાઈ તલવાડિયા, હિરેનભાઈ વરણવા, ભગીરથસિંહ સરવૈયા, હરદીપભાઈ ધાધલ, વનરાજભાઈ મકવાણા, ધાનાભાઈ મોરી, અશોકભાઈ સોલંકી, યશપાલસિંહ જાડેજા, હિતેન્દ્રસિંહ જાડેજા, દોલતસિંહ જાડેજા, ઘનશ્યામભાઈ ડેરવાળિયા, ફીરોજભાઈ ખફી, શીવભદ્રસિંહ જાડેજા, નિર્મળસિંહ જાડેજા, યોગરાજસિંહ રાણા, કિશોરભાઈ પરમાર, બળવંતસિંહ પરમાર, રાકેશ ચૌહાણ, લખમણભાઈ ભાટિયા, સુરેશભાઈ માલકિયા, ધમેન્દ્રસિંહ જાડેજા અને દયારામ ત્રિવેદી, ભારતીબેન ડાંગર સહિતના સ્ટાફે રેઈડ દરમિયાન આશિષ ગોપાલ મકવાણા, રમેશ બાબુ મકવાણા, પબા દેવાણંદ ચાવડા, શૈલેષ મનુ માણાવદરિયા, રણજીત હરદાસ પરમાર, દેવાણંદ માલદે નંદાણિયા, ચારુલ રમેશ માણાવદરિયા નામના સાત શખ્સોને રૂા.2,15,000 ની રોકડ, ગંજીપના અને એક બાઈક તેમજ રૂા.25,500 ની કિંમતના છ નંગ મોબાઇલ મળી કુલ રૂા.2,65,500 ના મુદ્દામાલ સાથે ઝડપી લીધા હતાં.
બીજો દરોડો, જામનગર તાલુકાના દરેડ ગામમાં લાલપુર જવાના માર્ગ પર બાવળની ઝાડીઓમાં તીનપતિનો જૂગાર રમતા હિતેશ નરોતમ ગોહેલ, જીતેશ રામજી ચુડાસમા, ધનરાજ રાદેવ બીજાણી, મહમદ ઈસ્માઇલ ખફી, હેમત દુદા ટોયટા, અબાસ હાજી કાંટેલિયા નામના છ શખ્સોને રૂા.4,670 ની રોકડ રકમ અને ગંજીપના સાથે પંચ બી પોલીસે ઝડપી લઇ આગળની કાર્યવાહી હાથ ધરી હતી.
