દ્વારકામાં યુવતીઓને સોશિયલ મીડિયા મારફતે પજવણી કરતા શખ્સો સામે ફરિયાદ

દ્વારકામાં વોટ્સએપ કોલ તથા મેસેજ મારફતે બે યુવતીઓને હેરાન-પરેશાન કરતા ચોક્કસ મોબાઈલ નંબર આવતા શખ્સો સામે પોલીસ ફરિયાદ નોંધાઇ છે.    આ અંગેની વિગત મુજબ દ્વારકામાં રહેતી બે યુવતીઓને તેમના મોબાઈલ નંબર ઉપર 9558489724 અને 8866213051 નંબરના મોબાઇલ ફોન મારફતે એસ.પી. સાગર તરીકે ઓળખાણ આપી, કોઈ શખ્સો દ્વારા આ યુવતીઓને મોબાઈલ ફોનમાં વોટ્સઅપ તથા વોઈસ કોલ મારફતે અભદ્ર ભાષામાં મેસેજ કરીને હેરાન પરેશાન કરવામાં આવતા સમગ્ર બનાવ અંગે દ્વારકા પોલીસે આઈ.પી.સી. કલમ 354 (એ-1) તથા આઇ.ટી. એક્ટ મુજબ ધોરણસર ગુનો નોંધી, ઉપરોક્ત મોબાઈલ નંબર ધરાવતા શખ્સોને ઝડપી લેવા માટે દ્વારકાના પી. આઈ. પી.બી. ગઢવી દ્વારા વિવિધ દિશાઓમાં તપાસના ચક્રો ગતિમાન કરવામાં આવ્યા છે.