જામનગર શહેરના પટેલ કોલોની શેરી નં.3 માં ગેલેરીયા કોમ્પલેક્ષ પાસે જાહેરમાં તીનપતિનો જૂગાર રમતા છ શખ્સોને રૂા.52,400 ની રોકડ રકમ સાથે એલસીબીની ટીમે ઝડપી લઇ આગળની કાર્યવાહી હાથ ધરી હતી. જામનગરના નવાગામ ઘેડમાં પાંચ રૂપિયાનો સીક્કો ઉછાળી કાટછાપનો જૂગાર રમતા ચાર શખ્સોને રોકડ અને બે બાઈક મળી રૂા.76,715 ના મુદ્દામાલ સાથે ઝડપી લીધા હતાં.
જૂગાર દરોડાની વિગત મુજબ, જામનગર શહેરના પટેલ કોલોની શેરી નં.3 માં આવેલા ગેલેરિયા કોમ્પલેક્ષ પાસે જાહેરમાં જૂગાર રમાતો હોવાની એલસીબીની દોલતસિંહ જાડેજા, યશપાલસિંહ જાડેજા, યોગરાજસિંહ રાણાને મળેલી બાતમીના આધારે પોલીસ અધિક્ષક પ્રેમસુખ ડેલુની સૂચનાથી પીઆઈ જે.વી. ચૌધરી, પીએસઆઈ એસ.પી.ગોહિલ તથા સ્ટાફના સંજયસિંહ વાળા, હરપાલસિંહ સોઢા, ભરતભાઈ પટેલ, શરદભાઈ પરમાર, દિલીપભાઈ તલાવડિયા, ભગરથસિંહ સરવૈયા, હરદીપભાઈ ધાંધલ, અશોકભાઈ સોલંકી, વનરાજભાઇ મકવાણા, ધાનાભાઈ મોરી, યશપાલસિંહ જાડેજા, હિતેન્દ્રસિંહ જાડેજા, અજયસિંહ ઝાલા, શિવભદ્રસિંહ જાડેજા, નિર્મળસિંહ જાડેજા, રાકેશભાઈ ચૌહાણ, કિશોરભાઈ પરમાર, સુરેશભાઇ માલકિયા, દયારામ ત્રિવેદી, બિજલભાઈ બાલસરા, ધર્મેન્દ્રસિંહ જાડેજા સહિતના સ્ટાફે રેઈડ દરમિયાન પરેશ નાનજી મંડલી, મુકેશ રામા સોલંકી, ભૂપેન્દ્રસિંહ પ્રભાતસિંહ જાડેજા, ધર્મેન્દ્રસિંહ મંગળસિંહ જાડેજા, રાજેન્દ્રસિંહ બળદેવસિંહ જેઠવા, ઈશાક ઓસમાણ ચમડિયા નામના છ શખ્સોને રૂા.52,400 ની રોકડ રકમ અને ગંજીપના સાથે ઝડપી લઇ આગળની કાર્યવાહી હાથ ધરી હતી.
બીજો દરોડો, જામનગર શહેરમાં નવાગામ ઘેડ વિસ્તારમાં જાહેરમાં સીક્કા ઉછાળી કાટછાપનો જૂગાર રમતા હોવાની બાતમીના આધારે સીટી બી ડીવીઝન પોલીસ સ્ટાફે દિલસાજ અલ્લાઉદીન સફીયા, દેવા ગાંડા જોગસવા, યુવરાજસિંહ રણજીતસિંહ જાડેજા, કાનજી ઉકા રાઠોડ નામના ચાર શખ્સોને રૂા.11,715 ની રોકડ રકમ અને રૂા.65000 ની કિંમતની બે બાઈક મળી કુલ રૂા.76,715 ના મુદ્દામાલ સાથે ઝડપી લઇ ગુનો નોંધી વધુ તપાસ હાથ ધરી હતી.
