જામનગર શહેરમાં કેન્સરની બીમારી સબબ યુવાનનું મોત

જામનગર શહેરના ગુલાબનગર વિસ્તારમાં આવેલા રવિપાર્કમાં રહેતાં યુવાનને કેન્સરની બીમારી સબબ તબિયત લથડતા જી. જી. હોસ્પિટલમાં સારવાર દરમિયાન મોત નિપજ્યાનું ફરજ પરના તબીબોએ જાહેર કર્યુ હતું.

બનાવની વિગત મુજબ, જામનગરના ગુલાબનગર રવિપાકમાં રહેતા ફિદાહુશેશ અબ્બાસભાઈ મુરીમા (ઉ.વ.45) નામના યુવાનને છેલ્લાં આઠ મહિનાથી કેન્સરની બીમારી થઈ હતી અને આ કેન્સર સંદર્ભે ઓપરેશન પણ કરાવ્યું હતું. તેમ છતાં તબિયત સારી રહેતી ન હતી દરમિયાન યુવાનને સારવા માટે જી. જી. હોસ્પિટલમાં ખસેડવામાં આવ્યો હતો. જ્યાં તેનું સારવાર દરમિયાન મોત નિપજ્યાનું ફરજ પરના તબીબોએ જાહેર કર્યુ હતું. આ અંગે મૃતકના ભાઈ ઈમરાન દ્વારા જાણ કરાતા હેકો વાય.એમ. વાળા તથા સ્ટાફે હોસ્પિટલ પહોંચી જઇ મૃતદેહનો કબ્જો સંભાળી આગળની કાર્યવાહી હાથ ધરી હતી.