જામનગરના ક્રિકેટ બંગલા ખાતે આજે અંડર-19 ઇન્ટર ડિસ્ટ્રીકટ ક્રિકેટ ટુર્નામેન્ટ અંતર્ગત દેવભૂમિ દ્વારકા અને મોરબી ડિસ્ટ્રીકટ વચ્ચે મેચ યોજાયો હતો. પૂર્વ શહેર ભાજપ પ્રમુખ નિલેશભાઇ ઉદાણી દ્વારા ટોસ ઉછાળી મેચનો પ્રારંભ કરાવ્યો હતો.
બીસીસીઆઇ તથા સૌરાષ્ટ્ર ક્રિકેટ એસોસિએશન દ્વારા અંડર-19 ઇન્ટર ડિસ્ટ્રીકટ ક્રિકેટ ટુર્નામેન્ટનું આયોજન કરવામાં આવ્યું છે. જે અંતર્ગત જામનગરના અજીતસિંહ ક્રિકેટ પેવેલિયન ખાતે આજે દેવભૂમિ દ્વારકા અને મોરબી ડિસ્ટ્રીકટ વચ્ચે મેચ યોજાયો હતો. આ મેચનો પૂર્વ ભાજપ શહેર પ્રમુખ નિલેશભાઇ ઉદાણી દ્વારા ટોસ ઉછાળી પ્રારંભ કરાવ્યો હતો. આ તકે ક્રિકેટ કોચ મહેન્દ્રસિંહ ચૌહાણ, જામનગર ડિસ્ટ્રીકટ ક્રિકેટ એસો.ના પ્રમુખ અજયભાઇ સ્વાદિયા, વિનુભાઇ ધ્રુવ, ભરતભાઇ મથળ વગેરે ઉપસ્થિત રહી બન્ને ટીમોને શુભેચ્છા પાઠવી હતી. આ મેચમાં મોરબીની ટીમે ટોસ જીતી પ્રથમ બેટિંગ પસંદ કરી હતી.
