જામનગરમાં નવરાત્રી પર્વ દરમિયાન ધાર્મિક આસ્થા સાથે સંસ્કૃતિ અને પરંપરાનું જતન કરવા માટે અનેક સંસ્થાઓ દ્વારા વિવિધ સેવાકીય પ્રવૃત્તિઓ કરવામાં આવે છે. ત્યારે જામનગરના કૃષ્ણનગર, શેરી નંબર-3 ખાતે કાર્યરત હર હર મહાદેવ મિત્ર મંડળ દ્વારા સમગ્ર જામનગર શહેરનાં ગરબી મંડળોની બાળાઓ માટે પ્રસાદ અને લાળી વિતરણની અનોખી સેવા હાથ ધરવામાં આવે છે. મંડળ દ્વારા શરૂ કરવામાં આવેલી આ સેવાકીય પ્રવૃત્તિ આ વર્ષે 20મા વર્ષમાં પ્રવેશી છે. સતત 19 વર્ષથી નિરંતર ચાલી આવતી આ સેવા આજે અનેક ગરબી મંડળોની બાળાઓ સુધી પહોંચી છે.
હર હર મહાદેવ મિત્ર મંડળ દ્વારા અંદાજે 450 ગરબી મંડળોની આશરે 7 હજાર બાળાઓને પ્રસાદ અને લાળીનું વિતરણ કરવામાં આવે છે. નવરાત્રી દરમિયાન બાળાઓ ગરબે ઘૂમીને માતાજીની આરાધના કરે છે ત્યારે તેમના ઉત્સાહમાં વધારો થાય અને પરંપરાગત ગરબીની સંસ્કૃતિને પ્રોત્સાહન મળે તેવા હેતુથી મંડળ દ્વારા આ સેવા કરવામાં આવે છે.
આ વિશાળ સેવાકાર્યને સફળ બનાવવા માટે મંડળના અંદાજે 300 સ્વયંસેવકો સ્વૈચ્છિક રીતે જોડાઈને પોતાની સેવાઓ આપે છે. ગરબી મંડળો સુધી પહોંચવું, બાળાઓને પ્રસાદ અને લાળીનું વિતરણ કરવું તેમજ સમગ્ર વ્યવસ્થાનું સંચાલન કરવા સહિતની કામગીરી સ્વયંસેવકો દ્વારા કરવામાં આવે છે. કોઈ પણ પ્રકારના સ્વાર્થ વિના સેવા આપતા આ સ્વયંસેવકોના સહયોગથી વર્ષોથી આ સેવાયજ્ઞ સતત આગળ વધી રહ્યો છે.
View this post on Instagram
હર હર મહાદેવ મિત્ર મંડળની આ સેવા માત્ર પ્રસાદ અને લાળી વિતરણ પૂરતી સીમિત નથી. જામનગર શહેરનાં વિવિધ વિસ્તારોમાં યોજાતી ગરબીઓ સુધી પહોંચવા માટે મંડળ દ્વારા ગરબી મંડળોને આમંત્રણ આપવા સહિતની વ્યવસ્થા કરવામાં આવે છે. ગરબી મંડળોને આમંત્રણ આપવા જવા માટે જરૂરી વાહનભાડું પણ સંસ્થા દ્વારા આપવામાં આવે છે, જેથી સેવાકાર્યને વધુ વ્યાપક બનાવી શકાય અને શહેરનાં વધુમાં વધુ ગરબી મંડળો સુધી પહોંચી શકાય.
નવરાત્રી એ માત્ર ગરબા રમવાનો ઉત્સવ નથી, પરંતુ આપણી ધાર્મિક આસ્થા, લોકસંસ્કૃતિ અને પરંપરાને નવી પેઢી સુધી પહોંચાડવાનો પર્વ પણ છે. ગરબી મંડળોમાં બાળાઓ ઉત્સાહપૂર્વક ભાગ લે અને પરંપરાગત ગરબીની સંસ્કૃતિ જળવાઈ રહે તેવા ઉમદા હેતુથી હર હર મહાદેવ મિત્ર મંડળ દ્વારા આ સેવાકીય પ્રવૃત્તિ હાથ ધરવામાં આવે છે.
સતત 19 વર્ષથી ચાલી આવતી આ સેવા હવે 20મા વર્ષમાં પ્રવેશી છે, જે મંડળના સેવાભાવ, સમર્પણ અને સંસ્કૃતિ પ્રત્યેની પ્રતિબદ્ધતાનું પ્રતીક છે. અંદાજે 450 ગરબી મંડળોની 7 હજાર બાળાઓ સુધી પહોંચતી આ પ્રવૃત્તિમાં 150 સ્વયંસેવકોનો સહયોગ જામનગરમાં સામૂહિક સેવા અને ધાર્મિક પરંપરાના સુંદર સમન્વયનું ઉદાહરણ પૂરું પાડે છે.
હર હર મહાદેવ મિત્ર મંડળનો આ પ્રયાસ નવરાત્રીના પર્વમાં બાળાઓના ઉત્સાહને પ્રોત્સાહિત કરવાની સાથે જામનગરની ગરબી સંસ્કૃતિને જાળવી રાખવા માટેનું પ્રશંસનીય સેવાકાર્ય બની રહ્યો છે.
