SHE TEAM દ્વારા દ્વારકામાં વિખૂટા પડેલા વૃધ્ધાનું પરિવારજનો સાથે મિલન કરાવાયું

દેવભૂમિ દ્વારકા જિલ્લાના ડીવાયએસપી નીલમબેન ગોસ્વામીના માર્ગદર્શન હેઠળ ચાલતી અને મહિલા પોલીસ કર્મચારીઓ સાથેની SHE TEAM દ્વારા કરવામાં નોંધપાત્ર કામગીરી કરવામાં આવે છે.

દેવભૂમિ દ્વારકામાં તાજેતરમાં પાલીતાણા-ભાવનગરથી દર્શનાર્થે આવેલા કેટલાક પરિવારજનોમાંથી એક વૃદ્ધ મહિલા પોતાના પરિવારજનોથી વિખુટા પડી ગયા હતા જે અંગે SHE TEAM ના પોલીસ સ્ટાફ દ્વારા જરૂરી કાર્યવાહી કરી, આ વૃદ્ધાનું પરિવારજનો સાથે મિલન કરાયું હતું.

આ કામગીરી પી.આઈ. પી.એ. પરમાર, પી.એસ.આઈ. યુ.બી. અખેડ તથા સ્ટાફના અજયસિંહ જાડેજા, ચેતનભાઈ, જ્યોતિબેન, જાગૃતીબેન વિગેરે દ્વારા કરવામાં આવી હતી.