આઝાદીના અમૃત મહોત્સવ અંતર્ગત ભારતીય નૌ-સેના વાલસુરા દ્વારા તા. 11 જૂનના રોજ સૌપ્રથમ સાહિત્ય ઉત્સવનું આયોજન કરવામાં આવ્યું હતું. જેનો ઉદ્દેશ યુવા સૈન્ય નેતૃત્વ વચ્ચે વિચારશીલતાનો વિકાસ કરવાનો તથા સાહિત્યીક ગતિવિધિઓથી પરિચય કરાવવાનો હતો.
ભારતીય નૌ-સેના વાલસુરા જામનગર દ્વારા સૌરાષ્ટ્ર ક્ષેત્રના પ્રથમ સાહિત્ય ઉત્સવ ઉજવવામાં આવ્યો હતો. આ આયોજનનો સૈન્ય ઇતિહાસ, પત્રકારીતા જીવનશૈલી, પૌરાણિકકથાઓ, પ્રકાશન, પ્રબંધનના સિધ્ધાંત, રંગમંચ તથા ટીવી જગત સાથે સંકળાયેલા 12 પ્રતિષ્ઠિત લેખકોના લેખનોનો ચર્ચાનો સમાવેશ કરવામાં આવ્યો હતો. આ સાહિત્ય ઉત્સવમાં સૌરાષ્ટ્ર ક્ષેત્રના અસૈનિક મહેમાનો ઉપરાંત જાણીતા વ્યક્તિઓ, વિશિષ્ટ અધિકારીઓ, ત્રણેય શસ્ત્ર સેનાઓમાંથી કર્મચારીઓ, મહિલાઓ તેમજ વિવિધ શાળાઓના 101 બાળકોએ ભાગ લીધો હતો. આ ઉપરાંત વિવિધ ક્ષેત્રના 2000 પુસ્તકોના મેળાનું આયોજન પણ કરવામાં આવ્યું હતું. તેમજ બાળકો દ્વારા સ્વતંત્રતા સેનાનીઓના ફેન્સી ડ્રેસ શોનું પણ આયોજન કરવામાં આવ્યું હતું.
દક્ષિણ વિભાગના નેવી વેલફેર એન્ડ વેલનેશ એસોસિએશન દ્વારા નેવલ સ્ટાફ પરિવારના મહિલાઓ, બાળકો માટે અખિલ નૌસેના, કવિતા લેખન સ્પર્ધા યોજાઇ હતી. જેમાં પસંદગી પામેલ કાવ્યો, કીન્ડલ સંસ્કરણમાં પ્રકાશિત કરવામાં આવશે.
