જામનગર શહેરમાં નિલકમલ સોસાયટીમાં આવેલા શખ્સના રહેણંક મકાનમાંથી સિટી સી ડિવિઝન પોલીસ સ્ટાફે રેઈડ દરમિયન તલાસી લેતા મકાનમાંથી 24 બોટલ દારૂ મળી અવતા શખ્સની ધરપકડ કરી હતી. જમનગર જિલ્લાના મેઘપર નજીકથી પસાર થતા જામનગરન શખ્સને મેઘપર પોલીસે ઝડપી લીધો હતો.
દરોડાની વિગત મુજબ પ્રથમ દરોડો, જામનગર શહેરના ખોડિયાર કોલોનીમાં આવેલા નિલકમલ સોસાયટી શેરી નંબર-6 માં રામદેવપીરના મંદિર પાસે રહેતાં શકિતસિંહ ઉર્ફે જીગી અજીતસિંહ કંચવા નામના શખ્સના મકાનમાં દારૂનો જથ્થો હોવાની બાતમીના આધારે સિટી સી ડીવીઝન પોલીસ સ્ટાફે રેઈડ દરમિયન તલાસી લેતા મકાનમાંથી રૂા.12,000 ની કિંમતની ઈંગ્લીશ દારૂની 24 બોટલ મળી આવતા પોલીસે દારૂના જથ્થા સાથે શકિતસિંહની ધરપકડ કરી પુછપરછ હાથ ધરી હતી.
બીજો દરોડો, જામનગર જિલ્લાના મેઘપર નજીકથી પસાર થતા મોસીન ગુલાબ કુરેશી (રહે. જામનગર) નામના શખ્સને મેઘપર પોલીસે આંતરીને તલાસી લેતા તેના કબ્જામાંથી રૂા.2000 ની કિંમતની દારૂની ચાર બોટલ મળી આવતા પોલીસે શખ્સની ધરપકડ કરી આગળની કાર્યવાહી હાથ ધરી હતી.
