નબળી આર્થિક સ્થિતિમાં ઉમરલાયક દિકરીની ચિંતામાં માતાની આત્મહત્યા

લાલપુર ગામમાં રહેતી અને મજૂરી કામ કરતી મહિલાના પતિનો કામ ધંધો બરાબર ચાલતો ન હોય અને આર્થિક પરિસ્થિતિ સારી ન હોવાથી ઉમરલાયક થયેલી દિકરીની ચિંતામાં જિંદગીથી કંટાળી ગળેફાંસો ખાઈ આત્મહત્યા કરી હતી.

બનાવ અંગેની વિગત મુજબ લાલપુર ગામમાં શિવાજી નગર વિસ્તારમાં રહેતાં મીનાબેન હિરાભાઈ પારીયા (ઉ.વ.43) નામની મહિલાના પતિનો કામ ધંધો બરાબર ચાલતો ન હોવાથી આર્થિક પરિસ્થિતિ સારી ન હતી. અને દિકરી ઉમરલાયક થઈ ગઈ હોવાથી આ ચિંતામાં મહિલાએ જિંદગી કંટાળી શુક્રવારે સાંજના સમયે તેના ઘરે બાથરૂમમં દોરી વડે આત્મહત્યા કરી હતી. આ અંગેની મૃતકના પતિ હિરાભાઈ દદ્વારા જાણ કરાતા હેકો એ.એમ. જાડેજા તથા સ્ટાફે બનાવસ્થળે પહોંચી જઈ મૃતદેહનો કબ્જો સંભાળી પીએમ માટે મોકલી આગળની કાર્યવાહી હાથ ધરી હતી.