ક્રિપ્ટો કરન્સીમાં રોકાણ કરવાના બહાને રૂા. 13,41,000ની છેતરપીંડીના કેસમાં નાસતા-ફરતાં આરોપીને જામનગર પેરોલ ફર્લો સ્કવોડે હાપામાંથી ઝડપી લઇ કાયદેસરની કાર્યવાહી હાથ ધરી હતી.
આ અંગેની વિગત મુજબ અમદાવાદ સાયબર ક્રાઇમમાં ક્રિપ્ટો કરન્સીમાં રોકાણને બહાને રૂા. 13,41,000ની છેતરપીંડી આચરવાના કેસમાં કુલદીપ પ્રફુલ્લદાન ગઢવી નામનો શખ્સ નાસતો-ફરતો હોય, આ દરમિયાન હાલમાં હાપા વિસ્તાર, રેલવે કોલોની, રેલવે સ્ટેશન પાસે તેના મકાને હોવાની જામનગર પેરોલ ફર્લો સ્કવોડના ભરતભાઇ ડાંગર, ઘનશ્યામભાઇ દેલવાડીયાને મળેલ બાતમીના આધારે જિલ્લા પોલીસ વડા પ્રેમસુખ ડેલુની સૂચના અનુસાર જામનગર એલસીબીના પીઆઇ જે.વી. ચૌધરીના માર્ગદર્શન હેઠળ પીએસઆઈ અલ.જે. મિયાત્રા, એએસઆઈ ગોવિંદભાઈ ભરવાડ તથા હેકો લખધીરસિંહ જાડેજા, કરણસિંહ જાડેજા, ગજેન્દ્રસિંહ જાડેજા, સલીમ નોયડા, કાસમ બ્લોચ, ભરત ડાંગર, રણજીતસિંહ પરમાર તથા પો.કો. મહિપાલભાઇ સાદિયા, ધર્મેન્દ્રભાઈ વૈષ્ણવ, હેકો અરવિંદગીરી ગોસાઈ, નિર્મળસિંહ જાડેજા, પો.કો. બળવંતસિંહ પરમાર સહિતના સ્ટાફ દ્વારા રેઇડ દરમિયાન કુલદીપ પ્રફુલ્લદાન ગઢવીને ઝડપી લઇ વધુ કાર્યવાહી માટે જામનગર પંચ-એ પોલીસ સ્ટેશનને સોંપી અમદાવાદ સાયબર ક્રાઇમને જાણ કરી હતી. આરોપી વિરુધ્ધ વિવિધ પોલીસ સ્ટેશનમાં બાર જેટલા ગુના નોંધાયેલા છે.
