સાધના કોલોનીમાં મકાનમાં આગથી ઘર વખરી ખાખ

જામનગરમાં રણજીત સાગર રોડ ઉપર આવેલ સાધના કોલોનીમાં અકસ્માતે આગ ભભુકી ઉઠતાં ઘર વખરી બળીને ખાખ થઇ ગઇ હતી. આ અંગેની વિગત મુજબ સાધના કોલોનીમાં બ્લોક નં.56માં શૈલેષાભાઇ ડોબરીયાના મકાનમાં અસ્કમાતે આગ ભભુકી ઉઠી હતી. આ ઘટનાની જાણ થતાં જામનગર મહાનગરપાલિકાની ફાયર શાખા દોડી ગઇ હતી અને પાણીનો મારો ચલાવી આગને કાબુમાં લીધી હતી. આગને પરિણામે ઘરવખરી બળીને ખાખ થઇ ગઇ હતી. સદનસીબે કોઇ જાનહાની થઇ ન હતી.