Photos : 100 કરોડ ડોઝની ઉજવણીના ભાગરૂપે ઐતિહાસિક ઈમારતો તિરંગાથી ઝળહળી ઉઠી

ભારતમાં કોરોના સામેના જંગમાં ચાલી રહેલા મહાઅભિયાન વચ્ચે ઈતિહાસ રચાયો છે. દેશમાં વેક્સિનના 100 કરોડ ડોઝ આપવાની સિદ્ધિ હાંસલ કરવામાં આવી તેના ભાગરૂપે આજે સવારથી જ ઉજવણી થઇ રહી છે. આર્કિયોલોજિકલ સર્વે ઓફ ઈન્ડિયા (એએસઆઈ) દ્વારા દેશના 100થી વધુ ઐતિહાસિક સ્થાપત્યોને તિરંગાથી રોશન કરવામાં આવ્યા છે. આ ભવ્ય ઉજવણી માટે દેશભરના 100 પસંદગીના સ્મારકો બહાર પહેલેથી જ એલઈડી લાઈટો ફીટ કરી દેવાઈ હતી. ભારતભરમાં તિરંગાના રંગોથી ઐતિહાસિક ઈમારતો ઝળહળી ઉઠતા દિવાળી જેવો માહોલ સર્જાયો છે.