જાપાની પ્રાણી સંગ્રહાલયમાંથી ગોરિલા “કિયોમાસા” ના ફોટા સોશિયલ મીડિયા પર આગની જેમ ફેલાઈ રહ્યા છે. આ ફોટામાં, કિયોમાસા માણસની જેમ ખૂબ જ ઉદાસ અને વ્યથિત મુદ્રામાં બેઠેલા જોઈ શકાય છે. જેમ લડાઈ બાદ પતિ વિચારે ચડી જતો જોવા મળે છે કે વાંક મારો હતો શું?..
Famous gorilla Kiyomasa falls into deep contemplation after spat with mate — caught on camera in Japanese zoo pic.twitter.com/uZhzYhs5Am
— RT (@RT_com) June 9, 2026
સોશિયલ મીડિયા પર વાયરલ થયેલો લેટેસ્ટ વિડીયો “કિયોમાસા” નામના ૧૩ વર્ષના નર ગોરિલાનો છે જે એક પ્રાણી સંગ્રહાલયમાં રહે છે. આ 62 સેકન્ડની ક્લિપ દિલ જીતી રહી છે. તમે તેનાથી નવાઈ પામશો જ, પણ તમે હસવાનું પણ રોકી શકશો નહીં.કિયોમાસાનો તેની સ્ત્રી સાથી સાથે ઉગ્ર દલીલ થઈ હતી. પ્રાણી સંગ્રહાલયના અધિકારીઓ કહે છે કે તે એક નાનો મતભેદ હતો, પરંતુ ગોરિલાએ તેને ખૂબ જ ગંભીરતાથી લીધો. લડાઈ સમાપ્ત થતાં જ, તે શાંતિથી ઊભો થયો અને તેના પાંજરાની કોંક્રિટ સીડી પર એકલો બેસી ગયો.
વિડિઓમાં, કિયોમાસાના હાવભાવ ખૂબ જ માનવીય છે. તે ઊંડા આઘાતમાં અથવા ઊંડા વિચારમાં હોય તેવું લાગે છે. સૌથી રમુજી વાત એ છે કે તે જીવનના મોટા નિર્ણયો લેવાનું વિચારતી વખતે અથવા ખૂબ જ ચિંતિત હોય ત્યારે, માણસની જેમ, તેની દાઢી હાથમાં રાખે છે. તે વારંવાર માથું ખંજવાળતો હોય છે, હાથ જોડીને અવકાશમાં જોતો રહે છે. કિયોમાસાના “માનવીય” વલણથી નેટીઝન્સને હસવું આવ્યું છે. અને ક્યાંક ને ક્યાંક લોકો વિચારી રહ્યા છે કે અમારા જેવીજ પ્રાણિયોની હાલત હશે ‘ઘૂમ ફિરકે બાત મુજ્પે હી કયું આજાતી હે’ માનવીય જીવનમાં પણ દંપતીઓ વચ્ચે નાની મોટી વાતોને લઈને રકજક જોવા મળી જતી હોઈં છે ત્યારે પણ એવું જોવા મળે છે કે પુરુષ બીચાડો શરણાગતિ સ્વીકારી લેતો હોય છે.
આ વીડિયોએ સોશિયલ મીડિયા પર રમુજી ટિપ્પણીઓનો પ્રવાહ ફેલાવ્યો છે. એક યુઝરે તેની સરખામણી હોલીવુડ ફિલ્મ “મેરેજ સ્ટોરી” માં થયેલી લડાઈ સાથે કરી, લખ્યું, “એવું લાગે છે કે ભાઈ સાહેબ હજુ પણ વિચારી રહ્યા છે કે તેમણે શું ખોટું કર્યું”બીજા એક યુઝરે મજાક ઉડાવી, “બિચારો ગોરિલા આખી લડાઈને પોતાના મનમાં ફરી રમી રહ્યો છે, વિચારી રહ્યો છે કે મેં કઈ ખોટી વાત કહી જેનાથી તે આટલી ગુસ્સે થઈ ગઈ.” લોકોએ તેને “ગોરિલિયો ધ ફિલોસોફર” પણ ઉપનામ આપ્યું છે.
